香港特別行政區 訴 林晉文

HCCC 286/2015

香港特別行政區

高等法院

原訟法庭

刑事案件2015年第286號

----------------

----------------

----------------------

以下內容乃法庭數碼錄音謄本

----------------------

官：　

被告喺聆訊之後被裁定一項販運危險藥物罪，罪名成立。

案情指，警員喺港鐵站截查被告，喺佢手持嘅膠袋內面發現五包嘅毒品，而被告承認毒品係佢一個朋友叫佢去交畀其他人，會獲得每轉500鈫嘅報酬。

毒品經過化驗之下，證實係內含3.58公斤氯胺酮嘅5.01公斤粉末，當時嘅市值係超過五十九萬港元。

被告現在係18歲，已經完成中三嘅課程，曾經工作過，過往並冇刑事紀錄。

喺呢一類嘅販運危險藥物案件中，最主要喺量刑嘅時候考慮嘅因素係毒品嘅種類同埋重量，因為香港嘅法庭就住唔同嘅毒品同埋重量係作出咗量刑指引。根據許守城案嘅量刑指引，販運氯胺酮超過1公斤，量刑嘅基準係超過14年嘅。而根據單松健案嘅入面所講，就涉及5.12公斤嘅氯胺酮，上訴庭表示如果販運兩公斤同埋3公斤嘅氯胺酮，起刑點分別不少於18同埋20年，而該案係涉及5.12公斤嘅氯胺酮，上訴庭認為22年嘅起刑點係恰當嘅。

就本案所涉及嘅氯胺酮係3.85公斤，本席以20年作為量刑基準。喺審訊之後被定罪係不獲任何扣減，判刑20年。