被告人喺席前承認一項販運危險藥物控罪，案情撮要顯示，警員喺2015年12月15日，喺香港國際機場嘅離境大堂登機櫃位截停剛辦理完畢登機手續正欲前往澳洲嘅被告人，喺被告人當時所攜帶嘅一個白色膠袋及黑色嘅行李喼裡面，警員搜出兩個水果盤嘅物體，呢兩個水果盤實際上係以「冰」製造而成嘅，經過政府化驗師檢測之後，呢兩個水果盤含有2.91公斤嘅「冰」，而呢2.91公斤嘅「冰」市值嘅零售價係為一百六十一萬港元。
喺其後嘅錄影會面裡面，被告人承認佢因欠下八萬鈫嘅信用卡嘅欠款，故此係以二萬五千鈫嘅酬勞替他人運送呢兩個水果盤係前往澳洲，實際上被告人就住呢一個控罪係喺佢所參與嘅錄影會面嘅紀錄喺經審訊之後，佢嘅自願性係得以確認之後先至選擇係承認控罪嘅。
被告人現年就係24歲，喺內地係出生，及後係嚟咗香港，喺香港完成係中一嘅學業，喺干犯呢一個控罪之前，佢並冇係任何嘅刑事紀錄。
黃大律師喺求情嘅時候表示，被告人嘅母親因為得悉呢係兒子係犯事，咁而最終係選擇提早了結咗自己嘅生命，呢一點當然係一件非常之令人婉惜同埋不幸嘅事。其實法官喺之前已經多次係講過，尤其是見到啲年青人，為人父母最唔希望見到嘅就係自己嘅子女作奸犯科，唔希望見到佢哋係販運毒品，亦都唔希望見到佢哋係加入黑社會。喺你出世嘅時候，父母對你係有一番嘅期望，好多時候我哋都從來冇諗過點解爸爸媽媽要將我哋個名改成我哋而家自己個名，咁亦都希望你能夠自己好好係反省一下，雖然我已經多次係喺庭上高講過呢一番說話，不過亦都相信以後亦都係會繼續有你呢啲咁年青嘅犯事嘅人係會上到嚟我哋法庭。
黃大律師亦都係喺求情嘅過程裡面係遞上一啲係親友撰寫嘅求情信，咁佢哋亦都希望法庭能夠係寬大處理，盡量係作出輕判。本席明白佢哋嘅感受，亦都係明白佢哋嘅要求，不過被告人所干犯嘅係嚴重嘅控罪。
就呢啲咁嚴重嘅控罪，上訴庭已經係定下量刑嘅指引，而且上訴庭亦都係多次講及以個人嘅身世希望能夠作出求情，作出係更多嘅扣減，呢個機會係極之有限。被告人今次干犯呢一項嘅刑事控罪，純粹係出自經濟嘅理由，而涉及嘅毒品嘅重量亦都係一個唔細嘅數目。根據上訴庭嘅量刑指引，販運1.2公斤至4公斤嘅「冰」，量刑嘅起點係23至26年嘅即時監禁。另外，正如黃大律師亦都係公正地喺佢嘅求情陳詞裡面係接受呢一件案件亦都係涉及跨境犯罪呢一個嘅元素。喺呢一件案件裡面，單就毒品嘅份量而言，量刑嘅起點已經係接近25年嘅即時監禁。
至於跨境犯案呢一個元素，正如我頭先係已經指出，詢問過黃大律師，即使係販運1公斤嘅毒品，上訴庭嘅指引就係要係刑期上調兩年嘅。不過喺呢件案件裡面考慮到被告人嘅年紀，本席就係運用呢個酌情權，將呢個量刑嘅起點係上調至26年。被告人你並非係即時認罪嘅，而你所提供畀警方嘅資料實際嘅用途亦都係有限，故此你可以獲得嘅量刑折扣係25個per cent。
總結而言，就被告人你所承認嘅一項販運危險藥物嘅控罪，你係會被判處係十九年六個月嘅即時監禁。