香港特別行政區 訴 鄭宇琛
Read the full judgment text of HCCC 136/2017 on BabelCite. This High Court CFI judgment was delivered on 2 June 2017.
|
HCCC 136/2017 香港特別行政區 高等法院 原訟法庭 刑事案件2017年第136號 ----------------
----------------
---------------------- 判刑 ---------------------- 官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。 案情指，警員睇到被告從一輛私家車落車步行向公廁，手持一個膠袋，警員截查之後，發現膠袋入面一共有十一袋毒品，喺警誡之下，被告承認幫人販運呢啲毒品，賺取2,000鈫。嗰啲毒品經過化驗之後，證實為內含244.8克可卡因嘅262.8克嘅固體。呢啲危險藥物市值大概二十六萬多元。 被告現年30歲，未婚，之前並冇刑事紀錄。 大律師喺求情嘅時候，表示被告喺今次犯事之前，佢任職正職嘅空運運輸公司因為裁員而辭退咗佢，而佢做兼職而自己開設嘅冷氣公司所賺嘅微薄收入又入不敷支，更因為要同拍拖十年嘅未婚妻籌備婚禮而需要花費先至會受人唆擺，為咗賺取2,000鈫而鋌而走險，佢已經深感後悔，佢嘅悔意係彰顯喺佢坦白承認控罪中。大律師又指，被告已經表示喺獄中會積極進修，充實自己，等佢出獄嘅時候可以融入、重投以及回饋社會。大律師懇求本席採納一個最低嘅量刑基準。 本席喺量刑嘅時候，考慮咗本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗所呈交被告自己、佢嘅屋企人、佢個未婚妻、朋友等等所撰寫嘅求情信。但係事實上，喺呢啲毒品案中，量刑最重要嘅考慮係毒品嘅重量，至於被告嘅個人背景、因素，以至是否因為經濟嘅因素而犯案，喺量刑嘅考慮可佔嘅重量不大。根據量刑嘅指引，販運可卡因重量200至到400克，起刑點係12至到15年。本案所涉及嘅毒品總重量係244.8克，本席考慮所有因素之後，認為一個十二年半嘅量刑基準係適合嘅，予以三分之一嘅認罪扣減，判刑八年四個月。 |