香港特別行政區 訴 詹惠滿
Read the full judgment text of HCCC 88/2017 on BabelCite. This High Court CFI judgment was delivered on 4 August 2017.
|
HCCC 88/2017 香港特別行政區 高等法院 原訟法庭 刑事案件2017年第88號 ----------------
----------------
---------------------- 判刑 以下內容乃法庭數碼錄音謄本 ---------------------- 官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。 案情指，被告同另外一名男子坐喺一架私家車上，四處張望，形跡可疑，當警員上前表露身分嘅時候，架私家車突然啟動，逆線行駛，期間被告從車窗抌出一個膠袋，而呢個膠袋之後被發現有一袋毒品。被告被捕嘅時候承認嗰啲毒品係「K仔」，但係表示係自己用兩萬鈫購買供自己食用嘅，但係佢現在係承認當時係管有毒品作販運嘅用途。 毒品經過化驗之後，證實係454克粉末內含197克嘅氯胺酮，當時嘅售價係98,064元。 被告現年28歲，有過兩次嘅刑事紀錄，喺2006年曾經試過盜竊，2010年試過管有危險藥物。 大律師喺求情嘅時候表示，被告好年幼嘅時候父母已經離異，佢同姐姐同埋弟妹係由佢母親獨力照顧成人。喺輟學之後，佢肩負起照顧家庭嘅責任，以散工維生，月入大約10,000鈫，而佢亦都有一個對佢不離不棄嘅女朋友，而事實上，女朋友喺佢被拘留期間已經喺獄中同佢註冊結婚。大律師指，被告第一時間認罪，彰顯佢嘅悔意，而今次犯事係因為自己染有毒癮，可以獲得部分作吸食用，先至會鋌而走險，干犯有關嘅罪行，希望法庭可以酌情予以輕判，令佢早日獲釋，重投社會同埋與家人團聚。 本席喺量刑嘅時候，考慮咗本案嘅案情、毒品嘅種類、重量、有關嘅量刑指引、被告認罪、大律師嘅求情，亦都閱讀咗被告同埋佢屋企人以及牧師所撰寫嘅求情信。就被告所牽涉嘅197克嘅氯胺酮，根據許守城案嘅量刑指引係納入50至到300克，即係6至到9年嘅量刑界別，本席認為一個七年半嘅量刑基準係適合嘅，但係睇番佢有關嘅刑事紀錄，鑒於可能有少部分係供佢自用，本席酌情扣減3個月，之後再從七年三個月予以三分之一嘅認罪扣減，判刑係58個月。 |