香港特別行政區 訴 孫學明
|
HCCC334/2009 香港特別行政區 高等法院 原訟法庭 刑事案件2009年第334號 ----------------
----------------
-------------------------------------------- 判刑 -------------------------------------------- 官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。 案情指，警員喺被告進入一樓宇旋即離開後將佢截停，喺佢嘅肩袋搜獲四袋毒品，被告承認佢打算替人將該些海洛英運送到旺角。毒品經過化驗之後，證實為112.05克混合劑，內含95.04克海洛英鹽酸鹽，市值為港幣98,379元。 被告現年34歲，有五次六項嘅刑事紀錄，其中兩項係涉及管有危險藥物。另佢喺2008年12月10號，因為公眾地方打交而被判處簽簿守行為令。 大律師喺求情嘅時候指，根據被告嘅刑事紀錄，佢喺2001年10月干犯刑事控罪之後被判監8個月，出獄後任職貨車司機，收入穩定，需要照顧一名前段婚姻誕下嘅15歲兒子，以及現任太太喺2008年5月誕下嘅女兒。但係喺2009年2月因為經濟不景而失業，又剛得知太太懷孕，經濟百上加斤，急於賺快錢，所以先鋌而走險，干犯本案。佢非常後悔太太喺2009年11月誕下女兒嘅時候未能陪伴在側，更加要面對頗長時間嘅牢獄，而佢太太喺經濟生活上頓失所依，徬徨無助，因而患上抑鬱症。被告對於干犯控罪非常自責，希望法庭喺量刑嘅時候格外開恩，予以輕判，好讓佢早日出獄與家人團聚，一盡為人夫、為人父之責。 本席喺量刑嘅時候考慮咗本案嘅案情、毒品嘅種類、重量、量刑指引、被告認罪、大律師求情，亦都閱讀咗被告太太所撰寫嘅求情信。本案牽涉嘅係95.04克海洛英鹽酸鹽，根據量刑指引，納入50至到200克，即係判刑即時監禁8至12年嘅起刑點界別。 本席認為一個九年半嘅起刑點係合適嘅，予以三分之一嘅量刑扣減，判刑76個月（六年四個月）。 |
Other judgments that cite this case
Further hearings and rulings under HCCC 334/2009