香港特別行政區 訴 李艷紅

HCCC 271/2013

香港特別行政區

高等法院

原訟法庭

刑事案件2013年第271號

----------------

----------------

----------------------

判刑
以下內容乃法庭數碼錄音謄本

----------------------

官：　

被告人經審訊之後，被陪審團裁定一項販運危險藥物罪名成立。

證據顯示，被告人喺事發當日，從馬來西亞乘飛機抵港，喺佢所攜帶嘅行李箱暗格內，海關人員搜獲1.44公斤混合物，內含0.96公斤嘅海洛英鹽酸鹽。證據亦都顯示，被告人假若成功將呢啲海洛英經香港運抵廣州嘅話，佢可以獲得最少5,000人民幣嘅酬勞，當然呢5,000鈫嘅數目純粹係根據被告人嘅證供，佢自己講嘅。

就住販運危險藥物控罪，上訴庭已經訂下清晰嘅量刑指引，販運600至1200克嘅海洛英，刑罰應該係20到23年嘅即時監禁，是次涉案嘅海洛英係重0.96公斤，因此，量刑嘅基礎應該係22年嘅即時監禁。

涉案嘅海洛英係從吉隆坡運到香港，屬於係跨境販毒。喺考慮到香港特別行政區訴Abdallah裡面所講，本席係將22年嘅量刑基礎上調一年半，去到二十三年半。被告人係經審訊之後被定罪嘅，冇任何量刑折扣。總括起嚟，就被告人所干犯販運危險藥物控罪，佢係被判處二十三年半嘅即時監禁。

有關向上訴法庭提出的相關上訴，請參閲CACC134/2014。