香港特別行政區 訴 溫漢錫

HCCC 178/2017

香港特別行政區

高等法院

原訟法庭

刑事案件2017年第178號

----------------

----------------

------------------------------------

判刑

以下內容乃法庭數碼錄音謄本

------------------------------------

官：　

被告喺聆訊之後被裁定一項販運危險藥物罪，罪名成立。

案情指佢喺街上被警員搜身，發現身上有一包毒品，化驗下證實為內含25.5克嘅甲基苯丙胺嘅25.5克晶狀固體。

根據被告嘅刑事被告，佢一共有十五項嘅刑事紀錄，曾經有多次係涉及危險藥物嘅案底。除咗管有危險藥物之外，亦都有販運危險藥物罪。就住販運危險藥物罪，2003年曾經被判合共7年入獄，而2014年因為販運危險藥物亦都被判監40個月嘅。佢最後係喺2016年5月7號離開喜靈洲戒毒所。

大律師嘅求情中指出被告嘅女兒現在係5個月大，大律師亦都非常公平地指出喺本案存在住令案情嚴重嘅因素。

根據有關嘅案例，販運10至到70克嘅「冰」毒，起刑點係7至到11年。本案係涉及25.5克嘅「冰」毒，而存在令案情嚴重嘅因素，包括咗過往類似嘅即係販運危險藥物嘅紀錄，以及喺喜靈洲獲釋之後未及半年旋即犯案。

本席認為喺本案中，定罪之後嘅適合判刑係八年半嘅刑期。