香港特別行政區 訴 蘇金場
Read the full judgment text of HCCC 292/2018 on BabelCite. This High Court CFI judgment was delivered on 18 January 2019.
|
HCCC 292/2018 [2019] HKCFI 302 香港特別行政區 高等法院 原訟法庭 刑事案件2018年第292號 ----------------
----------------
---------------------------------- 判刑 ---------------------------------- 官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。 案情指，海關人員巡邏個時候睇到被告與另外一名男子形跡可疑，上前截查，發現兩人身上並冇違禁品。其後關員以從被告身上嘅鎖匙開啟一個單位，而從單位入面搜獲一個可再封口膠袋，載有內含940克甲基苯丙胺鹽酸鹽嘅994克晶狀固體。被告喺警誡下聲稱佢接收有關嘅毒品之後代人保管，等待別人領取，而該些毒品當時嘅市值約四十四萬九千多元。 被告現年41歲，共有十二項嘅刑事紀錄，大多數係同毒品有關。2001年嘅時候曾經因為販運危險藥物被判監6年，但係佢喺2012年又再因為販運危險藥物被判監八年半，佢喺出獄後不夠半年就干犯本案。 大律師喺求情嘅時候表示，被告自1994年開始已經有管有危險藥物嘅刑事紀錄，咁即係話佢有超過二十年嘅吸食毒品嘅習慣，每月需要用3,000鈫嚟吸食毒品，今次佢出獄之後因為搵快錢嚟滿足吸毒嘅習慣而干犯本案。大律師指被告喺扣押期間母親去世，未及奔喪，令佢深切反省，痛定思痛，決定喺出獄之後重新做人，而佢亦都獲得佢嘅女朋友不離不棄嘅支持。大律師續指佢喺被捕之後同海關充分合作，承認控罪，佢嘅悔意可見一斑。 本席喺量刑嘅時候考慮咗本案嘅案情、毒品種類同埋量刑指引、被告認罪、大律師嘅求情。本案牽涉嘅係「冰」毒，而根據量刑指引，販運600克以上，量刑基準同海洛英嘅量刑基準睇齊。而根據海洛英嘅量刑基準，600至到1,200克，判刑係20至到23年。本席接受被告喺本案嚟講並非一個主謀，只不過係一個販運者，但係以本案嘅940克「冰」毒，加上佢過往嘅案底，可以算係一個屢犯屢究嘅販毒者，本席認為一個22年嘅量刑基準係適當嘅。 本席考慮到本案特有嘅求情因素，判刑170個月。 |