香港特別行政區 訴 H.C.W.
Read the full judgment text of HCCC 3/2020 on BabelCite. This High Court CFI judgment was delivered on 4 May 2021.
|
HCCC 3/2020 [2021] HKCFI 1527 香港特別行政區 高等法院 原訟法庭 刑事案件2020年第3號 ________________________
________________________
________________________ 判刑 以下內容乃法庭數碼錄音謄本 ________________________ 官： 或者咁樣睇一睇先，因為而家雖然都成五點幾。而家佢淨係第一項控罪罪名成立，嗰個最高刑罰就去到5年嘅，但係其實被告人已經一路係韞緊㗎嘛，係咪？咁即係照計其實佢點樣都一定係坐多過嗰個判刑㗎喇，因為如果佢--係咪？兩年喇，已經起碼兩年。 MR CHU：冇錯。 官：即係話要成3年--以3年起點喇，如果係咁。咁 MR CHU：係。 官：咁我諗我哋唔好再嘥嗰個時間喇，不如就早啲做埋佢，唔好浪費佢時間。咁其實都冇乜需要特別去求情喇？ MR CHU：我... 官：即係而家好明顯睇到嗰個即係佢個背景，喺嗰個錄影嗰度都講咗喇，其實個被告人而家應控方係接納X嘅講法，就即係佢有用到個鉸剪，有講過話「我殺死妳」，咁嗰個情況，然後就裁定佢罪名成立嘅。咁以呢件案件嚟睇，我諗佢即係雖然係揸把鉸剪，但係好明顯好快已經放番低喇，因為被告人--即係X都係咁講，話佢自己都原諒咗佢嘅，即係當然呢個唔係刑事罪行嘅一個答辯，但係係一個求情嘅理由嚟。咁我諗喺呢件案件，點樣都即係真正嗰個判刑我覺得唔應該多過兩年嘅，即係以量刑起點嚟計。咁我諗即係快手啲做埋佢，唔好再令佢要再韞喇。 MR CHU：我都冇補充，喀。 官：咁我直情就係即係以X所講嗰個案情喇，咁我就覺得嗰個量刑起點應該係兩年。咁佢冇得減刑喇，因為佢唔認罪吖嘛，咁就係將佢--兩年就得㗎喇，咁即係其實佢已經坐多咗㗎喇。咁就做埋啲證物吖，唔該。咁一陣你搞掂晒啲--被告人，你暫時未--即係一陣間你搞掂晒啲手續之後你就可以走囉，喀，即係暫時--因為你仲有其他啲手續要做㗎嘛，喀，明白？ |