香港特別行政區 訴 李群生
|
HCCC239/2008 香港特別行政區 高等法院 原訟法庭 刑事案件2008年第239號 ----------------------
---------------------- 主審法官： 潘敏琦暫委法官 日期： 2009年1月15日下午2時42分
控罪： 販運危險藥物（Trafficking in a dangerous drug） 判刑 官：被告承認一項非法販運危險藥物罪。佢喺抵港之後被關員截查，發現身上係有三包嘅毒品。佢表示佢將可卡因從巴西運送到香港，將會獲得50,000鈫作為報酬，佢會等候收貨人電話。毒品經過化驗之後，證實為內含1,226.73克可卡因嘅1,902.78克粉末，市價約為一百二十八萬。 被告現年39歲，有五次全不涉及毒品嘅刑事紀錄。根據大律師嘅求情，被告已婚，屋企人係領取綜援維生，而佢父親最近兩度中風。被告曾經做過中港司機，期間亦都喺國內投資，由於投資失利，引致欠下債項，至今仍然有四十至到五十萬未能償還，所以由於咁嘅理由，受人唆擺，先至干犯今次嚴重嘅罪行。但係佢喺被捕後，第一時間承認控罪，同關員合作，導致成功拘捕在港嘅接頭人，挺身出庭頂證，令有關人士成功入罪，彰顯佢嘅悔意。 大律師又指，被告過往並冇同類案底，亦都冇證供顯示佢係販運毒品嘅主腦，加上佢喺被捕後，所冒險喺毒品交送行動中所扮演嘅角色，希望本席能夠考慮到呢一啲，予以一較大嘅量刑折扣。 本席喺量刑嘅時候，考慮咗本案嘅案情、毒品嘅種類、重量、量刑指引、被告認罪，以及大律師嘅求情。根據量刑指引，販運可卡因重量600克以上，起刑點係20年及以上。喺被告作為控方證人嘅案件中，本席以22年作為起刑點。而事實上，無論本案或該案嘅被告，亦同樣係國際販毒集團販運毒品行動中擔任咗舉足輕重嘅角色，所以本案中，本席亦都以22年作為起刑點。喺考慮咗本案被告喺被捕後所擔當嘅角色以及佢嘅證供重要性，予以百分之五十嘅量刑扣減，判刑11年。 |