香港特別行政區 訴 彭芝漢
Read the full judgment text of HCCC 68/2009 on BabelCite. This High Court CFI judgment was delivered on 29 June 2009.
Cites 1 case
|
HCCC68/2009 香港特別行政區 高等法院 原訟法庭 刑事案件2009年第68號 ----------------------
---------------------- 主審法官： 高等法院暫委法官潘敏琦 日期： 2009年6月29日上午10時08分
控罪： 企圖強姦（Attempted rape） ----------------------------------------- 判刑 ----------------------------------------- 官： 被告承認一項企圖強姦罪，違反香港法例第200章《刑事罪行條例》第118（1）條及159G條。 被告以雙程證來港，逾期居留，居所鄰近受害女童及其家人，佢個孫兒同受害女童經常一齊嬉戲。事發當日，女童下課午飯後，獲母親批准到鄰近居所與被告個孫玩耍，期間被告企圖強姦佢，並且以手指插入同埋以脷舔佢嘅陰部。女童事後匆忙返屋企，對佢媽媽投訴話公公攞個「jer jer仔」擺入佢pat pat。後來，被告到達女童屋企，向佢母親道歉。 被告現年54歲，之前並冇刑事紀錄。大律師喺求情嘅時候指，被告坦白認罪，省卻女童出庭作供，而今次嘅事件並冇預謀，係佢一時衝動之下干犯嘅單一事件，期間亦都冇使用武器或暴力，亦都第一時間向警方坦白招認。大律師指，被告對本次事件深感後悔，亦都愧對家人，並藉此公開向女童同埋女童嘅家人致歉。 本席喺量刑嘅時候，考慮咗大律師嘅求情、本案嘅案情及所有求情信件嘅內容。有關被告嘅報告顯示佢並冇精神或心理嘅問題，亦都並孌童癖好，心理專家評估，認為佢重犯性罪行嘅風險屬低。 根據劉仁良（譯音）案，基本企圖強姦不涉及令情節嚴重嘅因素，而被告係及早收手嘅情況下，起刑點一般係低於基本完成強姦控罪嘅起刑點。該案亦清楚指出，法庭喺判刑時，絕對有必要發出鏗鏘嘅信息，就係呢類案件嘅被告必須獲嚴懲，以反映公眾對呢一類案件嘅厭惡，以儆效尤。 本案女童當時只得四歲半，被告係明知女童年齡同佢個孫相近，但係仍然侵犯佢，行為係猖獗嘅，呢一點係令本案嘅案情尤為嚴重。本席並冇要求心理學家向本席提交女童嘅創傷報告，但係肯定呢件事件對女童心理係有一定程度嘅影響，但係深遠嘅程度則係未知之數。雖然被告聲稱係一時衝動，先至犯下今次事件，但係無疑被告嘅作為係令人髮指。性侵犯年幼兒童嘅人，不論年齡，就算過往紀錄良好，不能幸免於阻嚇性刑期。本席已經考慮咗香港特別行政區 訴 關海CACC 415/2002一案，雖然該案不涉強姦控罪，但係上訴法庭清晰咁指出，由於有關該案嘅性罪行發生嘅時候，女童只係有3歲至到5歲，上訴庭認為一個13年嘅總起刑點係合適嘅。 本案已經考慮咗所有有利被告嘅因素，本席以9年作為本案嘅起刑點，予以三分之一嘅量刑扣減，判刑6年。 |
Cases cited in this judgment