香港特別行政區 訴 黃健威 Tony
|
HCCC1/2009 香港特別行政區 高等法院 原訟法庭 刑事案件2009年第1號 ---------------- 香港特別行政區 訴 黃健威Tony ---------------- 主審法官： 高等法院法官湯寶臣 日期： 2009年8月10日上午10時15分
控罪： 販運危險藥物（Trafficking in a dangerous drug） -------------------------------------------- 判刑 -------------------------------------------- 官：被告人被控一項販運危險藥物罪，涉及嘅毒品係約150克嘅氯胺酮。被告人係承認控罪，亦都同意呢個控方嘅案情撮要。 簡單嚟講，被告係喺案發當日，晚上大概係九點幾，係被警員喺街上截停，並且喺佢身上搵到有關嘅幾包毒品。被告即時向警員嘅解釋，係話嗰啲係佢自己食嘅，之後就冇再回應其他嘅問題。 被告有三次嘅犯事紀錄，以往有入過勞教中心，但係就未正式係被判過監嘅，今年係28歲幾。 喺求情嘅時候，代表被告嘅簡大律師指被告就並非屬於嗰啲無藥可救嘅人，以往都冇犯過嚴重嘅控罪，亦都冇正式被監禁過嘅，今次會係第一次，亦都要需要面對係一個頗長時間嘅監禁。 簡大律師指，被告係因為誤交損友，一時抵擋唔住金錢嘅誘惑，先至會鋌而走險，希望法庭以較輕嘅判罰處理。 正如簡大律師所講，本案中最大嘅求情理由，就係被告係坦白承認佢嘅控罪，本席希望佢嘅悔意係真誠嘅。 無論如何，考慮到有關嘅案例，本席會以7年作為本案嘅刑期基準。本席會給予三分一嘅減免，因此刑期會係56個月。 |