香港特別行政區 訴 梁文俊

HCCC325/2009

香港特別行政區

高等法院

原訟法庭

刑事案件2009年第325號

----------------

----------------

----------------------

判刑
以下內容乃法庭數碼錄音謄本

----------------------

官： 被告承認一項販運危險藥物罪，違反香港法例第134章《危險藥物條例》第4（1）（a）及（3）條。

案情指，被告被警員截查，發現手中嘅膠袋內有毒品，被告承認以800鈫嘅報酬替人從黃大仙運送該包「K仔」去秀茂坪。毒品經過化驗之後，證實係248.32克粉末，內含202.30克氯胺酮。

被告現年20歲，過往有八次共九項刑事紀錄，全部與毒品無關。最後一次嘅刑事紀錄係喺2008年10月2號，被判到戒毒所服刑，喺2009年4月14日獲釋，兩個月之後即干犯本案。

大律師喺求情嘅時候表示，被告案發嘅時候失業，因為染上毒癮先至因為想搵快錢而干犯本案。佢坦白認罪，彰顯悔意，大律師要求本席予以一個較低嘅起刑點，從輕發落。

本席喺量刑嘅時候考慮咗本案嘅案情、毒品嘅種類、重量同埋量刑指引、被告認罪與及大律師嘅求情。根據許守城案嘅量刑指引，販運500至到300克氯胺酮，起刑點由6年至9年。就本案嘅202.30克氯胺酮，本席採納8年嘅起刑點，予以三分之一 嘅量刑扣減，判刑64個月，五年四個月。