香港特別行政區 訴 鄭祐武
|
HCCC367/2009 香港特別行政區 高等法院 原訟法庭 刑事案件2009年第367號 ----------------
----------------
----------------------------------------- 判刑 ----------------------------------------- 官： 被告係承認咗一項販運毒品罪嘅，涉及嘅係大概156克嘅氯胺酮。 被告係同意控方嘅案情撮要，情況係被告係被警員截停，同埋喺佢手持嘅紙袋裡面搵到本案嘅毒品，被告亦都係坦白承認嘅，係替人運送有關嘅毒品嘅。 被告係有十多次嘅刑事紀錄，以往有相同嘅販運定罪紀錄，但係嗰兩項應該只係涉及比較細份量嘅毒品。 辯方大律師呈上咗被告母親嘅一封信函，內容就指出因為佢要償還大額嘅欠債，需要不停工作，先至可以支持到家人嘅生活，因此對被告係疏於管教。被告人已經係成年，應該知道母親嘅困境，係去正經工作，盡量減輕佢母親嘅負擔，但係被告竟然不斷係走偏路，以不法嘅手段去搵錢，而家咁樣嘅結果係令到佢母親會係更加辛苦，要去工作，又要去法庭，將來仲要去探監，而佢八十幾歲嘅外婆都係要跟住擔心嘅。被告今年已經25歲，今後嘅方向如何，希望佢係好自為之。 考慮到被告承認控罪及代表律師嘅求情，本席會以7年作為刑期起點，給予三分一嘅扣減之後，刑期會係四年八個月。 |