香港特別行政區 訴 馮栢謙

HCCC34/2010

香港特別行政區

高等法院

原訟法庭

刑事案件2010年第34號

----------------

----------------

--------------------------------------------

判刑
以下內容乃法庭數碼錄音謄本

--------------------------------------------

官： 被告早於裁判法院承認過一項販運危險藥物罪，即係以凈含毒量計53.57克嘅可卡因，而家交由我懲處。

案情指，被告形跡可疑，結果被關員截停及從佢手中嘅紙袋搵到涉案毒品。警誡之下，被告承認為錢而替人帶毒。

被告今年23歲，香港出生及受教育至中五程度，之後做過侍應、推銷員同埋喺地盤嘅技工，不過到09年就失業。被捕嗰時候仍然無業，就係獨身，冇刑事定罪紀錄。

求情嗰時，律師話被告犯法都只係要為母親籌措呢個醫藥費，不過呢個講法就算係真嘅，都唔構成有咩嘢有效嘅求情因素，理由係常識問題，唔需要多解釋。

觀乎涉案毒品嘅數量，一個合適嘅量刑起點我認為係8年。被告認罪，可以得到三分一嘅扣減，就下調至五年零四個月，不過之後就再冇下調嘅理由。

我正式宣判，被告需要為本案入獄五年零四個月。