香港特別行政區 訴 陳亞安

HCCC411/2010

香港特別行政區

高等法院

原訟法庭

刑事案件2010年第411號

----------------

----------------

--------------------------------

判刑
以下內容乃法庭數碼錄音謄本

--------------------------------

官： 被告早於裁判法院承認過一項販運危險藥物罪，涉及以凈含毒量計195.43克嘅海洛英。

案情指被告從羅湖管制站進入本港時，被海關截停，結果發現佢身藏涉案毒品。警誡下，佢承認為錢而替人將毒品從深圳帶入香港。

背景方面，被告現年38歲，大陸出生，十幾歲嗰個時候嚟香港，曾接受教育至中二程度，之後以做散工為主。佢已經結婚，並育有兩個女兒，但係佢哋都住喺深圳。最後，佢有五次前科，全部同毒品無關。

求情時，律師坦然承認，除咗認罪，被告就再冇甚麼有效嘅求情理由，只不過就係負擔重，唔夠開支，所以鋌而走險。

觀乎涉案毒品嘅數量，以及本案係一個跨境販運嘅案件，我認為12年會係一個合適嘅量刑起點，被告認罪，可得三分一嘅扣減，就下調至8年之後，就再冇減刑嘅理由。我正式宣判，被告需為本案入獄8年。