香港特別行政區 訴 黃俊豪

HCCC53/2011

香港特別行政區

高等法院

原訟法庭

刑事案件2011年第53號

----------------

----------------

-----------------------------------------

判刑

以下內容乃法庭數碼錄音謄本

-----------------------------------------

官：　　　　被告係承認咗一項販運毒品罪，咁被告亦都承認咗控方嘅案情。

簡單嚟講，警員係喺一次嘅樓宇巡查之中截停到被告，並喺佢4樓嘅住所搵到毒品同埋包裝工具。被告係即時承認，亦都講係話同佢女朋友無關嘅，呢啲毒品。被告後來亦都再透露，佢係由深圳買到呢啲毒品，作出售嘅用途。

涉案嘅毒品係有一百零七克幾嘅可卡因。

被告以往係有刑事紀錄嘅，咁有兩次係同毒品相關，咁但係都似乎係一段時間之前喇。

代表被告人嘅大律師係以書面詳細咁講述咗被告犯案嘅原因，咁主要係話經濟問題，被告自己亦都係寫咗求情信顯示佢嘅悔意。

咁正如代表大律師指出，本席需要係考慮劉德明呢個案例去處理判刑。以呢個份量嘅毒品，應該屬於8至12年嘅範疇。經考慮之後，本席會以9年作為刑期嘅基準，扣減三分一之後，刑期係6年。

咁被告喺生活上嘅困境、身體情況等等，呢啲就並不能構成再進一步減刑嘅理由，咁因此刑期係6年。