香港特別行政區 訴 康展明

HCCC460/2011

香港特別行政區

高等法院

原訟法庭

刑事案件2011年第460號

----------------

----------------

----------------------

判刑
以下內容乃法庭數碼錄音謄本

----------------------

官：　

被告承認一項販運危險藥物罪，涉及以淨含毒量計1.13公斤氯胺酮、4.46克硝甲西泮及3.51克俗稱「冰」。

案情方面好簡單，海關人員睇見一名男子從一間村屋步出，將佢截停，結果發現佢身上藏有毒品。海關跟住入屋，又發現被告同埋涉案嘅毒品。警誡下，被告承認以日薪嘅形式，喺上址替人「看貨」(或者叫做「看貨」)，當然我哋而家亦都知道嗰度係佢嘅屋企。

被告現年46歲，香港出生及受教育至初中程度，被捕嗰時已婚，及為貨車司機。佢有十四次共十九項前科，其中八次係藏毒，一次係經營毒窟，再另一次同為販運危險藥物，被判刑16個月，當時係2005年嘅。

求情時，律師主要都係指被告認罪，喺獄中表現良好，顯示重大悔意云云。

觀乎涉案毒品嘅種類同數量，與及一切與案有關嘅因素，但不包括我剛才向控方諮詢另一名男子嘅情況同被告喺本案嘅確實角色，我認為可以以15年為本案嘅量刑起點。被告認罪，可得三分一嘅扣減，就下調至10年，不過之後就再冇下調嘅理由，所以被告要為本案入獄10年。