香港特別行政區 訴 蘇嘉樂

HCCC 123/2020

[2021] HKCFI 1411

香港特別行政區

高等法院

原訟法庭

刑事案件2020年第123號

________________________

________________________

________________________

判刑

以下內容乃法庭數碼錄音謄本

________________________

官：　

蘇嘉樂，你喺東區法院就承認兩項販運危險藥物嘅控罪。

案情撮要就顯示，喺2018年10月4日嘅晚上，警員就截停一輛停喺呢一個九龍塘達之路嘅輕型貨車，而第二被告人你就坐喺呢一個乘客嘅位上高。警員係搜查有關嘅輕型貨車，喺呢個輕型貨車上高佢哋就搜到609克嘅ketamine（氯胺酮）。

喺拘捕咗你之後，你就承認因為欠咗$200,000嘅賭債，故此係協助他人販運呢啲毒品。而警員亦都喺你嘅身上高係搜到沙田一間酒店其中一間房間嘅門匙--門鎖卡，而警察其後亦都到達呢一個有關嘅酒店嘅房間係進行呢個搜查。而喺房間裡面，警員係進一步搜到1,496克嘅氯胺酮。而喺警誡之下，被告人亦都承認，較早之前喺車上高搵到嘅毒品就係從呢個酒店裡面係取出，亦都係酒店裡面搜得嘅毒品嘅其中一部分，而涉案嘅氯胺酮個市面嘅零售價就係大約1,470,000鈫嘅。

第二被告人現在就係25歲，並冇刑事紀錄，據稱當時係失業，不過就係話事發之前係一名兼職嘅髮型師，大約係月入都有12,000鈫。

涉案嘅氯胺酮嘅總重量就係2,105克，如果用2,105克嘅量去計算呢個量刑嘅起點，大約就會係18年嘅即時監禁。

第二被告喺事件發生之後，喺2019年12月10日就向警方提供一份證供，係指證另外一名被告人（即係本案嘅第一被告），佢亦都係講及第一被告喺呢一件案件裡面參與嘅程度。而控方亦都接受，因為第二被告嘅證供，因此第一被告亦都係從佢否認控罪係改為承認控罪。

我喺聽過律師嘅求情之後，我就決定係就你協助警方提供呢個證供指證第一被告係給予你最大嘅折扣，即係45個per cent嘅折扣。因此，喺就住第一項控罪，本席係以呢個12年嘅即時監禁作為量刑起點，因為你承認控罪，亦都係提供咗協助，所以就將呢個刑期係下調至80個月嘅即時監禁。

至於第二項控罪，本席係以16年嘅即時監禁作為量刑起點，因為你承認控罪同埋提供協助畀警方，所以刑期亦都係下調至到105個月嘅即時監禁。

考慮到涉案毒品嘅總重量，因此本席係頒令，就住第一項控罪嘅13個月嘅監禁係同第二項控罪嘅105個月嘅監禁係分期執行。因此，就住你所承認嘅兩項控罪，你係總共被判處118個月嘅即時監禁。