香港特別行政區 訴 羅晓峰

DCCC 829/2021

[2022] HKDC 1258

香港特別行政區

區域法院

刑事案件2021年第829號

________________________

________________________

________________________

判刑理由書

________________________

1.你被控一項普通襲擊控罪。

2.案情指，你喺Circle-K，呢一個OK便利店入面襲擊咗一個女士，打咗佢塊面。你不認罪，喺審訊之後，本席裁定罪名成立。

3.你嘅背景包括咗你26歲喇大約，就未婚，咁就有工作，大約係萬多元一個月。咁亦都有個老闆寫咗封求情信件，去即係某程度上講就係支持咗你嗰個平時嘅工作嘅情況。

4.本席考慮過所有嘅相關情況之後，本席認為當其時你係有少少受到酒精嘅影響，亦都係衝動之下襲擊咗對方，咁不過呢個係一個普通嘅襲擊，冇引致對方有嚴重嘅傷害。一般嚟講，呢一類嘅控罪，再加上你係冇案底，雖然你係不認罪，不過呢啲控罪一般嚟講，本席對於第一次干犯普通襲擊控罪呢，我都會考慮一個非監禁性嘅刑罰去處理。

5.考慮之後，本席認為以罰款嘅方式，就住你呢個案件嘅處理已經足夠，我認為恰當嘅金額係3,000鈫。你不認罪，我唔會有任何嘅扣減。有關嘅罰款金額可唔可以喺擔保金嗰度扣呀？

洪先生：可以嘅。

6.罰款3,000鈫，由擔保金當中扣除。