香港特別行政區 訴 王潔麟

HCCC 427/2012

香港特別行政區

高等法院

原訟法庭

刑事案件2012年第427號

----------------

----------------

----------------------

判刑
以下內容乃法庭數碼錄音謄本

----------------------

官：　

被告喺聆訊之後，被裁定一項強姦罪，罪名成立。

根據案情，被告係喺交友平台認識咗本案嘅受害人X，最後同佢首次見面，相約飲酒之後，幾小時內帶去酒店開房，將X強姦，當中涉及兩次嘅性行為同埋一次強逼口交行為。X當時係16歲。

被告現年21歲，有過一項嘅刑事紀錄：2010年4月8號，與13歲以下嘅女童非法性交，被判入去教導所。根據佢嘅認證口供，佢係2011年7月22號先從羈押嘅地方獲釋。

被告對於今次嘅事件冇承擔、冇悔意，令到X需要挺身而出舉報佢，並且喺庭上重溫慘痛嘅經歷，面對一啲令佢極度難堪、不實嘅指控。

本案涉及以下令案情嚴重嘅因素：第一，強逼口交行為；第二，冇使用安全措拖；第三，拍片，雖然我接受辯方大律師所講，嗰條片唔知邊個刪除嘅，但係都已經刪除咗，亦都冇證據顯示被告會打算使用假如如果冇刪除到嘅嗰套片。

總括嚟睇，本席認為一個6年嘅起刑點係合適；聆訊之後定罪，不獲任何扣減。

有關向上訴法庭提出的相關上訴，請參閲CACC132/2013。