香港特別行政區 訴 李鈞浩及另三人

新聞摘要 (英文版)

新聞摘要 (中文版)

DCCC 720/2020

[2022] HKDC 15

香港特別行政區

區域法院

刑事案件2020年第720號

----------------

----------------

----------------

裁決理由書

----------------

1.四名被告共同被控一項串謀刑事損壞罪，違反香港法例第200章《刑事罪行條例》第60（1）、159A及159C條。

2.控方案情指出在2019年9月5日凌晨時分，警員發現在屯門湖山路停泊的一輛私家車有可疑，截查後發現第一至第三被告在車內，第一被告的背囊內有鐵鎚、螺絲批、扳手和鉗；第二被告則持有載有三名警員個人資料的紙張。警員繼而撿取了車內的行車記錄儀，當中記錄了他們之前的行車路線及對話，顯示出他們途經多個輕鐵車站，途中且詳細講述怎樣破壞輕鐵站的攝錄機、出入閘機和售票機，以至逃走路線和更換衣服以逃避追捕等。第四被告則在途中下了車。警方從第一及第三被告的手機中發現第四被告曾要求群組提供警員資料及邀請別人加入破壞港鐵等等。

3.各被告主要質疑上述行車記錄儀內的記憶卡，其證物鏈的完整性及指出它曾受非法干擾；而就紀錄下的內容而言亦只是討論而非已達成協議。第四被告更爭議是否曾在車內等等。

4.控方共傳召10名警員作供，各被告則選擇不作供。

5.根據雙方承認事實（P1、P1A、P1C及P1D）：

(1) 2019年9月5日約0145時，警方人員在香港屯門湖山路截停一輛車牌為VR2451的私家車，當時第一被告坐在該私家車的司機位，第二被告和第三被告坐在後排乘客位。第一被告身穿一件胸前有深色英文字的白色短袖T恤、一條黑色長褲及一對黑色運動鞋，第二被告身穿一件黑白間條短袖衫及頭戴黑色Cap帽，第三被告身穿白色短袖T恤及一條短褲。

(2) 隨後在第一被告的背囊內發現：

(a) 一頂黑色鴨咀帽；

(b) 一個白色膠袋，內藏(c) - (f)；

(c) 一把鐵鎚；

(d) 一支黃色柄的螺絲批；

(e) 一支扳手；

(f) 一支紅色柄的鉗；

(g) 一副透明眼罩；

(h) 一對手套；

(i) 一個黑色口罩；

(j) 一副太陽眼鏡；

(k) 一個3M口罩連濾咀；

(l) 一件黑色T恤；

(m) 一個紅色頭套；

(n) 一個灰色頭套；

(o) 一個包裝在袋中的黑色口罩；及

(p) 一個打火機。

(3) 上述證物的相片亦可見於相簿P20（1 - 22）。

(4) 同日約0206時，在第二被告的背囊內發現：

(a) 一件短袖衫；

(b) 一條長褲；

(c) 一對襪；

(d) 一對手袖；及

(e) 一部黑色iPhone手提電話，內有一張One2Free流動 電話智能卡。

(5) 上述證物的相片亦可見於相簿P29（1 - 19）。

(6) 同日約0212時，在第三被告的背囊內發現：

(a) 一件粉紅色短袖T恤；

(b) 一條淺色短褲；

(c) 一對深色手袖；

(d) 一個深色頭套；

(e) 一個紅色頭套；

(f) 兩副眼罩；

(g) 一副泳鏡；

(h) 一對藍色手套；及

(i) 一對白色手套。

警員10548（PW3）亦在第三被告的左前褲袋內搜到一個口罩。

(7) 上述證物的相片亦可見於相簿P41（1 - 22）。

(8) 警員於2019年9月5日0431時至0434時拍攝該私家車的情況［P43（1 - 14）］。

(9) 在本案的所有關鍵時刻，該私家車登記註冊車主為第一被告的父親。

(10) 在本案的所有關鍵時刻：

(a) 第一被告居住於元朗元龍街新時代中城（Yoho MidTown）M9座XX樓X室。

(b) 第二被告居住於屯門湖翠路海翠花園X座X樓X 室。第二被告的香港身份證號碼是Y431XXX(X)。

(c) 第三被告居住於屯門龍門路新屯門中心X座XX樓 X室。

(d) 第一被告是電話號碼6850 XXXX的使用者，該電話 號碼的登記註冊人為第一被告的父親。

(e) 第二被告是電話號碼6897 XXXX的使用者，第二被 告是該電話號碼的登記註冊人。

(f) 第三被告是電話號碼6608 XXXX的使用者。

(g) 電話號碼9219 XXXX的登記註冊人為第四被告的父 親。

(11) 上述各電話的電訊商分別發出核實電腦製備文件證明書及中文譯本（P45 - P49A）。

(12) 在本案的所有關鍵時刻，下列建築物或地點安裝有閉路電視系統，期間所有閉路電視系統運作正常，準確攝錄了現場情況，包括：

(a) 元朗元龍街新時代中城（Yoho MidTown）M9座於 2019年9月4日1800時至2019年9月5日0200時 的閉路電視錄影片段（P50）。

(b) 元朗雞地耀文停車場於2019年9月4日2130時至 2230時的閉路電視錄影片段（P51）。

(c) 屯門湖翠路海翠花園的閉路電視錄影片段（P52）。

(d) 邁亞美海灣其中一支指向湖翠路的閉路電視鏡頭 ODC07於2019年9月4日2100時至 2330時的閉路 電視錄影片段（P53）。

(e) 屯門大興邨商場一期地下SS 72至73號地鋪新華麵 家其中一支指向大興街的閉路電視鏡頭Camera 05於 2019年9月4日23:55:01時至2019年9月5日 01:11:00時的閉路電視錄影片段，該閉路電視畫面顯 示時間比較實際時間快約3分鐘（P54）。

由2019年9月4日至到有關閉路電視影像被準確下載及複製到不同電腦記憶體，期間上述所有閉路電視系統操作正常，並無受到非法干擾。上述相關閉路電視的截圖為P55。

(13) 第二被告承認：

(a) P52鏡頭通道十二於2019年9月4日22:46:51時至 22:47:04時（螢幕顯示時間）拍攝到第二被告。

(b) P52鏡頭Camera 03於2019年9月4日22:44:26時 至22:44:32時（螢幕顯示時間）拍攝到身穿黑白間 條短袖衫的第二被告。

(c) P53鏡頭ODC07於2019年9月4日22:49:26時至 22:49:36時（螢幕顯示時間）拍攝到身穿黑白間條短 袖衫的第二被告。

(14) 第三被告承認P54鏡頭Camera 05於2019年9月5日00:02:44時（螢幕顯示時間）拍攝到身穿白色短袖T恤的第三被告。

(15) 第一至第四被告被捕後，由警方人員為他們拍攝個人照片［P58（1 - 12）］。

(16) 在調查本案期間，警員檢驗了第一和第三被告的手提電話（P19及P42），並在兩部電話內都發現一個名為「Yes T - 切勿圍爐取暖 大家都係鍵盤戰士」的WhatsApp群組的通訊紀錄。在第一被告手提電話內發現該群組於2019年9月4日00:35:56時至2019年9月5日01:21:16時的通訊內容（P56），在第三被告手提電話內發現該群組於2019年9月4日00:35:56時至2019年9月5日01:21:16時的通訊內容（P57）。

(17) 以上控方證物由撿取至呈堂期間，一直由警方保管，從未受到非法改動或干擾。

(18) 第二被告、第三被告及第四被告沒有刑事定罪紀錄。

(19) 控方的語音比對專家盧梓豐總督察於2019年10月14日收到證物P44A及P44B，他檢驗了P44B內共108個錄像檔案，即ALC01076.AVI至ALC01143.AVI及ALC01144.AVI至ALC01183.AVI，他發現在錄像檔案ALC01076.AVI至ALC01143.AVI有一把女聲和超過兩把男聲，而在錄像檔案ALC01144.AVI至ALC01183.AVI有一把女聲和超過兩把男聲。他的結論是，在錄像檔案ALC01076.AVI至ALC01143.AVI中的女聲和在錄像檔案ALC01144.AVI至ALC01183.AVI中的女聲源自同一人的可能性，是相關女聲源自兩個不同人的可能性的478.97倍，在語音比對方面屬於強力證據支持兩把女聲源自同一人，該或然率出錯的機會小於0.02%。

(20) CHAN Kiu Chui（陳喬崔）總督察於2020年6月16日的英文證人供詞內提及他所檢驗的一部黑色相機Q1［One camera in black colour with the brand “Kingston” (16GB memory size)］即是證物P44A及P44B。

(21) 第四被告的香港身份證號碼為Y511XXX(X)。

(22) 相關手提電話內的圖像，P56A「圖像」一欄是反映P56的媒體檔案編號的圖片、照片或影片，而P56A「圖像」一欄所列的圖片、照片及影片是從P19擷取的。P56B為一冊該些圖片、照片或影片的放大版本。而P57A「圖像」一欄是反映P57的媒體檔案編號的圖片、照片或影片，而P57A「圖像」一欄所列的圖片、照片及影片是從P42擷取的。P57B為一冊該些圖片、照片或影片的放大版本。

(23) 第二被告被捕後，於2019年9月5日被送往屯門醫院求醫，於同日0707時到達。P58（4 - 6）是警員於2019年9月8日下午為第二被告拍攝，相片中第二被告穿着的為醫院的病人服。

6.此外，雙方根據《刑事訴訟程序條例》第65B條，把警員9273於2020年2月18日所作的證人供詞（P65）、CHAN Kiu Chui（陳喬崔）總督察於2020年6月16日所作的英文證人供詞（P66）及警員11003於2020年7月15日所作的證人供詞（P67）納入為證供。

證供撮要

PW1 SPC 51411鄭偉文

7.他講述在2019年9月4日乘坐警車與隊員PC 10548（PW3）、女警17091（PW2）及輔警A3033在屯門區巡邏，至約凌晨0135時到達湖山路一帶，他坐車頭乘客位，約0144時，他看見迎面有私家車停泊在魚市場外，同車PW2司機告知車內有3人，他覺有可疑，因當時很少途人，但車卻着了燈，他打算截查該車，於是警車兜入湖康街及湖秀街再出來。當警車再駛至與該車平排時，該車突然開車扭出約兩呎，警車便截停該車，他繼而要求司機（即第一被告）停車熄匙，並交出車匙及拿出隨身物品下車。

8.第一被告交了車匙給他，亦拿了銀包及背囊下車，他搜查該背囊，內有手提電話P19，亦有鴨咀帽，第一被告即表示說是油油用的，他便說帽上為何沒有油漆，背囊內的白色膠袋亦有鐵鎚、螺絲批、板手和鉗，第一被告隨即表示「袋住啲嘢犯法呀？」，而袋內亦有眼罩、手套、口罩、太陽眼鏡、T恤、頭套等等。

9.約0152時，他拘捕第一被告藏有工具作非法用途，他亦留意到第一被告當時不停四處張望，現場四通八達，他擔心第一被告逃走，並向他上手扣，帶上警車，要求增援。後來他把車匙交給了PW3 PC 10548，PW3亦在第一被告在場下搜車。他指出相片P43（2、3）便是車輛停泊位置。

10.盤問間，他被指出該車輛其實沒有扭出來，而第一被告下車時沒拿東西，只是他叫第一被告取出背囊，而手提電話亦是後來他着第一被告回車上取出來，而並非在背囊內取出的。就上述指稱，他全部均予否認。而在盤問中，他亦在地圖上畫出兩車相對的位置P60，而相片P43（5、6）亦是該車最終的位置。他也指出較早前已分配在下車後女警在該車右邊，而輔警則在左邊作看守。

PW2 WPC 17091王紫穎

11.她講述在2019年9月4日晚上與PW1 SPC 51411、PW3 PC 10548及輔警3033乘坐警車巡邏，至翌日9月5日凌晨約0144時巡邏至湖山路近魚類批發市場外，她坐在司機PW3 PC 10548後面，即右後面乘客位，當時被通知前方白色車輛有可疑，他們在附近兜了一圈再回來，期間PW1 SPC 51411已指示她到時負責該車輛右後邊乘客位置。而當警車再到該位置時，該白色車輛VR2451的司機位有動作，手放軚盤，車輛有引擎聲正想離開。他們於是馬上下車喝止，她如指示般到該車輛右後方，但卻看見該車左後方乘客（即第二被告）手上拿着紫色A4文件夾。

12.後來從0157至0205時有其他警員到場支援，她約在0206時叫該左面位乘客（即第二被告）下車，由PW3 PC 10548向他搜身。當時仍見第二被告手持紫色文件夾，但當第二被告下車時，他卻放下在乘客位，她便問第二被告為何放下，第二被告卻回答說不是他的。她於是叫第二被告拿回文件夾，而第二被告亦帶了背囊下車，經搜查後在第二被告的背囊內找到短袖衫、長褲、手袖、手機及八達通等等。而該紫色文件夾P22內則有3張A4紙P28（1 - 3），即相片P29（16 - 18）。後來在0220時第二被告因「藏有工具作非法用途」而被拘捕及帶返警署。

13.盤問間，她說是經主管PW1 SPC 51411指示下在看守了約5至10分鐘後才叫後座乘客下車，但已看見第二被告拿着該文件夾約10分鐘，他在車內戴着鴨咀帽，情緒普通。而她則否認第二被告從來沒拿着文件夾，也否認是輔警叫第二被告下車的。至於私家車後座的雨傘［相片P43（13、14）］，她則沒有印象見過，也沒有檢取等等。

PW3 PC 10548郭廸斌

14.他講述於2019年9月4日與PW1、PW2及輔警駕車巡邏，他是司機，至翌日凌晨約0144時駛經屯門湖山路魚類批發市場外，看見對面線有白色私家車停泊，但車頭燈亮着，車內有3人，包括車尾2人，當他駛至平排時，他發現該車左後乘客戴着帽，頭部突然垂下，他覺得有可疑，於是滙報予PW1，PW1作出指示，他沿湖秀街再駛回湖山路，PW1亦分配各人工作。

15.當他再駛至時，該白色車司機突然戴上安全帶並扭出，他於是使前平排喝停對方，要求對方停車熄匙。湖山路是雙線雙程行車，他駕駛的是警車，車款如SUV休閒車款。當時與對方隔1條行車線約4至5米遠，對方的車駛出約1米，經他多次喝令才停下。下車後，PW1要求司機攜同隨身物品下車，有背囊及銀包，他則在旁邊。第一被告後來因「藏有工具作非法用途」被拘捕，他們亦要求增援，約0157至0200時其他警員到達現場。

16.約在0206時，他亦協助PW2女警搜查第二被告，他亦叫第二被告取隨身物品下車，但女警有否說什麼他已沒有印象。第二被告亦手持紫色文件夾P22，內有3張A4紙P28（1 - 3），相片P29（16 - 18）文件上分別顯示有穿着警方制服相片等等。搜查完畢，第二被告則交由女警看管。而在0212時，他亦協助SPC 919搜查第三被告背囊，而後來PW1亦有把該車的車匙交給他。相片P43（1 - 3）顯示該白色車VR2451，而車內的行車記錄儀P43（12）當時則並未檢取，他後來把車鎖好，再把車匙交予增援的警長4703（PW4）。

17.在庭上亦播放了P44B片段，顯示在2019年9月5日約01:47:25至01:47:28時有警車在鏡頭前駛過，他確認這就是他駕駛經過湖山路的情況。

18.盤問間，他否認白色車沒有駛出，第一被告下車也並非沒有手持物品，但他同意是他叫第二被告下車的，而女警PW2也有在另一邊看守乘客。至於P43（13）顯示車內的雨傘，他沒有印象，但他也認為沒甚麼可疑而沒有檢取。

PW4 警長4703鄧明輝

19.他在2019年9月10日所作的證人供詞，雙方按《刑事訴訟程序條例》第65B條納入為證供（P61）。當中他主要講述在2019年9月5日0152時接獲PW1 SPC 51411及PW3 PC 10548通知在0157時到達現場，發現私家車VR2451在湖山路魚市場對出，現場並有第一至第三被告，初步得知他們隨身物品有鐵鎚、士巴拿及口罩，他在現場戒備，PW3 PC 10548繼續調查，並在0219時把車匙交給他一直保管，後來該3名被告被帶返警署，他留在現場看守車輛及保管車匙直至0435時把車輛及車匙交由PW5 DPC 18443處理及保管。

PW5 DPC 18443鄧志光

20.同樣地，他於2019年9月9日的證人供詞亦按《刑事訴訟程序條例》第65B條被納入為證供（P62）。當中他主要講述在2019年9月5日凌晨0350時到達現場看見VR2451，得知第一至第三被告被拘捕。在0431至0434時與隊員在場拍攝照片。0440時，他將車駛到青山警署並泊好。0442至0525時他拍攝第一至第三被告涉案的證物相片。至0530時提取第一被告。0532至0542時押解第一被告檢驗車輛，第一被告表示車輛妥當無任何損壞。

21.他在庭上補充說其後他把車匙交予青山警署值日官，車匙則放入第一被告的犯人個人財物內。

PW6 DSPC 58228林淼勝

22.他在2019年9月11日的證人供詞亦按《刑事訴訟程序條例》第65B條納入為證供（P63）。當中他主要講述在2019年9月5日1718時向青山警署值日官提取第一被告，並從其犯人財物內取回VR2451車匙，但無須打開貴重財物封套仍可開啟防盜，因此並無打開封套。他繼而於1731時帶同第一被告搜查該車輛。1740時搜查完畢並從行車記錄儀檢取了Kingston 16GB記憶卡，並存於B2713509防干擾財物袋內，但第一被告拒絕簽署。其後他亦搜查第一及第三被告居所，並在同日2204時從第一被告睡房檢取HP桌上電腦，及後翌日0110時，他將該電腦交給PC 10533（PW9）處理。

23.他在庭上補充說，當日看見的行車記錄儀如相片P43（12）般顯示，他從記錄儀旁邊按下卡嘈即彈出該記憶卡，然後放進上述防干擾財物袋內，亦是在第一被告在場見證下進行的。該記憶卡即P44B，但當時該行車記錄儀仍在車上沒被檢取，即在庭上看見的P44A。後來在9月6日0110時，他把HP電腦及記憶卡交了給PC 10533（PW9）處理。

24.盤問間，他被指出該記憶卡並無其他獨特特徵。

PW7 WDPC 7733李沛旻

25.她講述在2019年9月5日負責調查此案，當晚約9時15分收到相關的證物，包括證物相及光碟等等。SPC 45079亦將已封好的貴重財物袋B2713509，內有相關VR2451行車紀錄的記憶卡交給她。到翌日即9月6日早上約7時25分，她曾把該財物袋剪開，檢查該記憶卡來確定是否與案有關，以便拿往鑑證科。她看了很短時間確認相關後，便在7時30分用新的財物袋B1858850載入該記憶卡連同舊財物袋B2713509並簽署確認，即庭上看過的P44B，該B1858850亦有她的簽署。直至同日下午約2時48分，她便交予PC 9273做鑑證工作。同時她亦將VR2451的行車記錄儀及一部第一被告的手提電腦一併交給PC 9273。但記錄儀她則並無記錄貴重財物袋的編號，之後她便和PC 9273一同檢視該記憶卡。及後，PC 9273把記憶卡錄製成4隻光碟，即P44D交給她處理。

26.她進一步講述在2019年10月29日0535時曾到過屯門海翠花園6座19樓找第四被告。到0640時，有男人開門，她展示委任證及搜查令，得悉第四被告在此居住但不在，其母親張秀清提供了第四被告的聯絡電話，她亦記錄了其母親的身份證號碼。

27.盤問間，她同意此調查已是兩年前，當時亦有多項證物需處理。當天9月5日下午9時20分從SPC 45079收取時並無記錄下貴重財物袋編號，直至9月6日早上7時25分打開然後才放入B1858850新袋，她同意在記事冊內並無披露拆袋的原因。她同意當時第一被告仍在青山警署內，但她並無要求第一被告簽署，但已有PW9 PC 10533簽名在B1858850上來確認，她也沒將卡上的Serial Number作紀錄，因為程序上只需記錄牌子及容量等。

PW8 PC 9273陳智培

28.他在2020年2月18日的證人供詞亦按《刑事訴訟程序條例》第65B條納入為證供（P65）。當中他講述駐守於數碼法理鑑證隊，他在2019年9月6日下午1417時從PW7 WDPC 7733收取了手提電腦、Polaroid攝錄機（即行車記錄儀）及存放於B1858850防干擾財物袋內的Kingston SD 16GB記憶卡。他透過防干擾電腦軟件把記憶卡擷取圖像燒錄成光碟，他在庭上確認該記憶卡，即P44B，在該B1858850貴重財物袋內。

29.在供詞中，他亦指出就相關記憶卡內的檔案作進一步分析，發現每一個影片的右上方都顯示了一個日期時間，而影片最後一秒的畫面所顯示的時間與影片檔案的修改時間一模一樣，從此得知修改時間為該影片最後拍攝時間。他以檔案編號1作說明，它的修改時間為2019年09月04日22時58分24秒，與它影片內容最後一秒右上角顯示時間一樣，如供詞第3頁圖像中顯示。

30.盤問間，他亦表示從手提電話P19及P42提取資料，是透過Cellebrite軟件再用試算表形式編制出內裏的WhatsApp資料，即用P56、P57表達出來。

PW9 PC 10533蔡貴華

31.他講述在2019年9月6日凌晨約1時15分在兩位警長及第一被告在場下搜查VR2451。約1時25分搜查完並檢取車上的行車記錄儀［即相片P43（12）］及車匙作證物，其後封存妥當並交予PW7 WDPC 7733，即P44A行車記錄儀（B3005434有他的簽名字跡）。

32.盤問間，他同意其記事冊記錄了在9月6日0125時檢取了VR2451車內的Polaroid行車記錄儀及一條車匙。

PW10 DPC 5499李文耀

33.他自出生居住在屯門區，並在屯門區的學校就讀至中五，其後在2008年至今分別駐守新界北機動部隊及總區重案組等，在屯門警區的崗位駐守超過10年，對屯門區道路情況非常熟悉。

34.他負責觀看該行車記錄儀記憶卡（P44B）中的錄影片段（P44D），並在地圖上製作相關的行車路線及標記（P59），亦從錄影片段的時間及檔案所顯示經過的路段記錄相關行經路線，如MFI-1其證人口供中所表示，該片段共有111個檔案（ALC01076 - ALC01186），他編制成30個地點並顯示在地圖P59及其供詞中（MFI-1）。

35.在庭上播放的行車紀錄片段中，他進一步解說錄音對話中所提出的兆康是在P59右上方，而良景則在P59的左上方，但P59地圖並無覆蓋（現可見於較大覆蓋面積的地圖MFI-2），兩個地點均有輕鐵站。

36.他亦講述在錄音對話中提及的「新屯中」，即新屯門中心，居住於屯門的人常把輕鐵車廠站稱作「新屯中」，即地圖P59圈上5號的地方。而在片段ALC01155約01:20:20時顯示車輛進入屯門碼頭交通車站，他指出上方可達海翠花園，片段中亦可看見一名人士在下車後在車頭經過並行往該方向可上達海翠花園，對話亦提及「悅湖」，即悅湖山莊（即地圖P59圈上1號的左上方），再上方有青山警署及湖康警察宿舍，而最後車輛停在湖山路，對話中提及「海旁走囉」，海旁應指屯門海濱花園海旁，即地圖P59圈上2至24的位置，圈上24的位置右上可至湖山路，而對話中說及有6條線，他指屯門碼頭站是有6條線的，往不同方向，507由屯門碼頭到田景，610、614及615由屯門碼頭到元朗，614P及615P由屯門碼頭經不同方向往兆康，而片段最後則顯示車輛駛往青山警署。

37.盤問間，他被指出在ALC01143後出現有13秒畫面，他說之前從沒看過，當中顯示出的高速公路似是往天水圍方向的位置。

38.此外，在庭上亦播放了其他閉路電視錄影片段，可參照截圖P55顯示疑似各被告出現的地方及時間。

證供分析及裁斷

39.舉證責任在於控方，標準為毫無合理疑點，各被告並無責任證明任何事情，他們均選擇不作供，這是他們的權利，不可因此對他們作出任何不利的推斷。第二至第四被告亦無刑事定罪紀錄，是較具誠信及較低犯罪傾向的人士。

40.首先，在本案中，控方最主要倚賴的包括是行車記錄儀中，記錄了該車輛的行車路線及車內人士的對話，控方尤指對話中已清楚反映車內人士已達成協議對輕鐵車站的設施進行破壞。

41.辯方則特別爭議有關該行車記錄儀內記憶卡的證物鏈完整性和它有否曾遭不當干擾。代表第一被告的陳大律師主要指出，就記憶卡P44B的證物鏈上，曾出現下列的斷裂及不當的干擾，這包括：

(i) PW6 DSPC 58228講述在2019年9月5日約1740時從車上檢取記憶卡後，把它封存在防干擾證物袋B2713509，及後在翌日即9月6日0110時交予PW9 PC 10533，但PW9 PC 10533只講述在9月6日0115時檢取了行車記錄儀及車匙並在封存後交給了PW7 WDPC 7733，當中並無提及記憶卡。

(ii) 而PW7 WDPC 7733卻指出是SPC 45079在2019年9月5日2120時把記憶卡交給她，SPC 45079並無作證，但PW7 WDPC 7733確實曾接收及處理該記憶卡。

(iii) 因此，究竟是SPC 45079還是DPC 10533在WDPC 7733前最後接觸該記憶卡是有着不同的版本。

(iv) 而當PW7 WDPC 7733接收到記憶卡後，她竟擅自在9月6日0725時打開該證物袋B2713509檢視記憶卡，然後再重新放入另一證物袋B1858850內。

(v) 況且，PW7講述在9月5日2120時從SPC 45079接收記憶卡直至她在翌日打開，也沒證供顯示她曾妥善作保存。

(vi) 該記憶卡上雖有獨特序號，但從沒有任何人作出相關紀錄，因此這記憶卡是否與車上檢取的是一樣無從得知。

(vii) 而當PW7換袋時，即使第一被告亦在青山警署，竟沒有在他見證下進行及簽署。

(viii) 此外，就PW5 DPC 18443於2019年9月5日0440時把VR2451駛回警署至PW6於同日1740時檢取記憶卡期間，並無證供該車輛已被鎖上，即使PW5也只是說他一直保存車匙。

(ix) 但當PW6從值日官取車匙時，車匙已放入防干擾封套內，但卻並無證供何時或何人曾如此做。

(x) 直至PW9 PC 10533在9月6日0125時檢取行車記錄儀及車匙期間，之前從9月5日0435時車輛駛回警署後，有接近20小時車輛無人看管或無證據已鎖上，因此也存在記憶卡被干擾的可能性。

(xi) 雖則PW7說只曾用5分鐘檢視記憶卡內容以作進一步處理，但這不法的干擾已對證物造成不可挽救的破壞，更不知當中有否被刪減或增加等等。

42.就上述各指控，控方基本上指出：

(i) 無論如何，當PW6檢取完記憶卡後已妥當地封存。

(ii) PW7最終也接收了這已封存的記憶卡，當中並無干擾。

(iii) 而PW7剪開此證物袋來檢視記憶卡，只為盡快檢視內容看看是否與案相關而交予鑑證科處理，其後她已立即再重新封存及直接交予鑑證科，當中並無刪減或其他干擾。

(iv) 車輛在駛進警署後，車匙亦已交值日官及封存好，以致PW6從值日官取車匙時，也表明無須拆袋而開啟車輛，這顯明車輛已被鎖上。

43.就上述爭議，首先，以下是該記憶卡在證物鏈上相關的證供：

2019年9月5日 凌晨1時許	PW1 SPC 51411截查VR2451，司機（即第一被告）把車匙交給他，他再把車匙交給PW3 PC 10548及在第一被告在場下搜車，PW3後來把車匙交予增援的PW4警長4703。
9月5日 0219時	PW4警長4703從PW3取得車匙並保管至0435時交予PW5 DPC 18443。
9月5日 0435時 - 0440時	PW5 DPC 18443從PW4取得車匙，然後PW5將車駛回青山警署。
9月5日 0532時 - 0542時	PW5押解第一被告檢查車輛，第一被告表示車輛並無損壞。他之後把車匙交予值日官，車匙放入第一被告的犯人財物內。
9月5日 1718時	PW6 DSPC 58228提取第一被告並從第一被告的財物袋內取得車匙，但無須打開證物袋仍可開啟防盜。
9月5日 1731時 - 1740時	PW6在第一被告見證下搜查車輛並檢取了行車記錄儀內的記憶卡，並存於B2713509防干擾證物袋內。
9月5日 2115時	PW7 WDPC 7733從SPC 45079取得B2713509證物袋及其他證物。
9月6日 0110時	PW6把記憶卡交予PW9 PC 10533。
9月6日 0115時	PW9 PC 10533在第一被告在場下檢取了行車記錄儀及車匙，封存後亦交予PW7 WDPC 7733。
9月6日 0725時 - 0730時	PW7 WDPC 7733剪開證物袋B2713509檢查記憶卡是否相關，再放入新證物袋B1858850。
9月6日 1417時	PW7把B1858850內有B2713509及記憶卡交予鑑證科PW8 PC 9273。

44.明顯地，當PW6在9月5日1740時檢取了該記憶卡並把它封存在B2713509袋內後，他指出在9月6日0110時把它交了給PW9，而PW9亦在9月6日0115時也檢取了行車記錄儀及車匙，隨後亦交予了PW7 WDPC 7733，但PW9並沒說他也把記憶卡交了給PW7，PW7反而說是SPC 45079在9月5日2115時已把記憶卡及其他證物交予了她。在這方面，究竟是PW9再怎樣處理記憶卡，又或SPC 45079從何處得來記憶卡以致可交給PW7，實在有不清晰之處。

45.可是，重要的是，PW6在9月5日1740時在第一被告見證下檢取了記憶卡及封存好在B2713509袋內，直至PW7 WDPC 7733在9月6日0725時需要剪開該袋B2713509，這已顯明期間該記憶卡是妥為封存的，而在該時間內重新入袋後，PW7及PW9也在袋上簽署確認，當中並無任何干擾情況出現。本席認為即使上述記憶卡在傳遞上有何不清晰之處，這也並無構成對證物鏈，尤其對此記憶卡有何干擾的情況。

46.其次是，就PW7 WDPC 7733並沒有在第一被告在場下剪開證物袋從而作出檢取及檢視，雖然這並不妥當，但她在5分鐘內已重新入袋，更並無任何的指稱或證供指她曾對該記憶卡作出過任何不當的干擾。況且，在觀看完整個行車片段，即從9月4日22:57至9月5日約01:48近兩個多小時的片段中，內容根本一直是非常順暢及連貫的，也難以指出曾有人作過任何的干擾。

47.當然，辯方也特別質疑，片段當中曾出現13秒看來並不連貫的畫面。就此特殊情況，其實當控方在庭上使用警方的軟件播放時並無出現，即使剪開證物袋從而播放主碟亦無出現，只是辯方經其他軟件播放時，竟在檔案ALC01143（00:03:18 - 00:04:05）後出現一段共13秒看來截然不同的畫面［見截圖相片MFI-3（1 - 4）］。

48.控方就此特別情況曾要求押後最少6週作分析及處理，但遭辯方強烈反對。本席亦認為此案各被告被捕至今審訊逾兩年多，若再作押後，又或辯方因此須再傳召其他專家，整體而言再押後需時多月對各方並不公平，況且控方基本上亦已完成其案情，本席因此認為再作押後並不妥當。況且，該13秒片段所顯示的根本是與案無關及截然不同路段的片段，除第1秒顯示出同日05/09/2019外，其餘12秒所顯示均為前一天即04/09/2019的。本席因此亦認為就證物的接納性而言，並無不法或不當的干擾。

49.再者，根據CHAN Kiu Chui（陳喬崔）總督察的證人供詞P66，他檢視過該行車記錄儀及片段，亦指出該系統是循環錄影形式進行的loop recording（供詞中第10段），而每片段已設定為1分鐘。上述所指13秒的片段顯然只是前一天的片段，而在ALC01143（00:03:18 - 00:04:05）47秒後該車已停車在大興商場外（見PW10證人供詞MFI-1片段編號18，截圖相片MFI-4編號18），然後在01:09:06時片段顯示該車才再在原位開動離開（ALC01144）。

50.此外，若比對大興商場外新華麵家外的閉路電視片段（P54）（比實時快3分鐘），該車就是約在9月4日2359時（即實時約0002時）駛至，其後疑似第一至第四被告下車，再在9月5日0105時（即實時約0108時）疑似第一至第四被告再出現返回（截圖相片P55 AE97 - 101），然後按行車記錄儀約在0109時再開始，整個情況根本可顯示在上述ALC01143 00:04:05該車停定後，然後才突然出現13秒並非是在當日連貫出現的片段，這顯然是系統中循環錄影未被蓋過而出現的結果。即使並非如此，若經上述比對下，本席認為此13秒的出現也並非因任何不法或不當干擾下的情況。再者，若說成是經刻意的增減或刪除，就如控方所指出，也難以想像在上述那麼緊接的證物交接下可造成，況且這13秒的片段更看不出可對任何一方造成任何影響。

51.進一步而言，辯方亦指該片段不能證實必然就是在2019年9月4日至5日所發生的。可是，除了上述比對大興商場外當日的片段外，更可比對其他不爭議當天的片段，如元朗雞地耀文停車場片段（P51）顯示VR2451駛出（截圖相片P55 AE88），以及邁亞美海灣片段（P53）顯示在當日VR2451駛過（截圖相片P55 AE96）。毫無疑問，P44B所顯示的片段就是案發當天的。

52.因此，總括而言，本席認為此記憶卡可予接納為證供。

P44B行車記錄儀記憶卡內的片段及對話

53.就片段內的對話而言，辯方主要指出當中並不構成串謀，或極其量只是商討而已，控方則認為已達成協議進行破壞，情況如下：

P44B車內對話，見謄本P44C：

（Disc 1）

（檔案ALC01077）

19. 男聲：仲要睇下你架車會唔會點樣畀人影到喎。

20. 男聲：所以我就諗緊泊喺邊囉。

21. 男聲：盡量避，盡量避，泊-- 即係行路過去...（聽不清）

22. 女聲：係呀，係呀，唔通要跟埋架車呀，架車咁易認。

23. 男聲：即係點都唔會喺嗰啲站附近停㗎喇，一定搵有位停低，然之後行過去囉。

24. 男聲：Okay.

25. 男聲：不過我諗緊就係--

26. 女聲：原來你今日諗住搞黨鐵呀？

27. 男聲：咁樣行過去啦。記得唔好打出閘，打入閘好，即係啲人出唔到站呢（男聲：咁係幾慘--）要罰幾十蚊，但係唔畀人入閘已經okay。

28. 男聲：其實係，凈係打入閘--

29. 男聲：你唔畀人出閘，啲人真係好殘忍，仆街--

30. 男聲：我諗住-- 我諗住爆晒佢。

31. 男聲：咁考慮下，唔好爆，爆剩一個出閘囉。

32. 男聲：爆-- 爆埋嗰啲咩嘢買車飛嗰啲機囉。

（檔案編號：ALC01078）

33. 男聲：Of course.

34. 男聲：嗰啲-- 嗰啲先-- 嗰啲先貴喎。

35. 男聲：個鏡頭要處理咗先，妳有冇帶...？

36. 女聲：冇囉，我都話唔-- 我心諗唔明點解你哋係今日囉，我話聽日你嚟。

37. 男聲：帶咩嘢呀，噴嗰啲嘢？

38. 男聲：畫筆。

39. 女聲：係呀。

40. 男聲：No畫筆is very danger.

41. 男聲：冇關係㗎。

42. 女聲：Er-- 我打畀我朋友有冇先。

43. 男聲：冇畫筆難搞喎。

44. 女聲：係呀。

45. 男聲：唔係，因為你--

46. 女聲：你要遮CCTV，你點--

47. 男聲：因為你附近都有 --你附近都有嗰啲鷹眼嗰啲嘅，可以睇到嘅其實。

（檔案編號：ALC01080）

70. 女聲：喂，唔係畫畫就係。

71. 男聲：背囊。

72. 女聲：可唔可以-- 可唔可以行輕鐵沿-- 沿岸呀？

73. 男聲：唔係呀，直接-- 一係咩嘢囉，直情搵嘢遮住佢囉。

74. 女聲：喂...（聽不清）喂，跟住噴埋啲CCTV之嘛。唔係黐嘢佢哋諗住，睇下有邊啲er-- 黨鐵嘢未打就打埋佢。好啦，好啦，咁冇嘢喇。

（檔案編號：ALC01081）

87. 女聲：我哋唔駛咁趕，我哋可以er--（男聲：慢慢。）討論下究竟邊度係搞，要聽日搞，我哋早啲預備好啲喎，你都識講兩樣唔同。

92. 男聲：Is too early.

93. 男聲：等夜啲先啦。

94. 男聲：唔，食個糖水先。

95. 男聲：唔係，除咗你想遮-- 遮CCTV，即係遮個輕鐵站，可以搵啲紙黏住咪得囉，搵張黑紙黏住都得啦。

96. 男聲：噴方便。

97. 女聲：噴勁方便喎但係。

98. 男聲：係。

99. 女聲：紙會令-- 同時會好「論盡」。

100. 男聲：唔係，遮到已經okay--

（檔案編號：ALC01082）

101. 男聲：唔係，遮到已經okay㗎喇，其實講真，黏得一下啫。

105. 男聲：嗰個...（聽不清）

106. 男聲：搞-- 搞咗巿中心-- 巿中心同埋-- 我想搞埋碼頭。

107. 男聲：巿中心一定係最-- 最-- 即係晏少少搞，巿中心多人。

108. 男聲：同埋碼頭囉。

109. 男聲：唔。

110. 男聲：碼頭臨屘返嚟先囉，一係。

111. 男聲：Yes.

（檔案編號：ALC01083）

112. 男聲：臨屘返嚟。

113. 男聲：唔係，巿中心其實唔使搞，因為巿中心係-- 即係華仔睇到九成嗰個呢係講緊巿中心站。

114. 男聲：嗄嗄。

115. 男聲：係呀。

116. 男聲：凈係嗰個站，唔係--

117. 女聲：但係良景嗰啲全部都冇晒囉喎。

118. 男聲：唔係呀，全部都仲work緊，我今朝早見到。

119. 女聲：良景嗰啲喎？

120. 男聲：係呀。

121. 女聲：係咩？

122. 男聲：兆康，兆康到良景都係，都work。所以我先-- 我先有咁嘅諗法之嘛，我見到，咦，明明... 唔係話唔爆架嘛（聽不清）

123. 男聲：未做過啲咁壞嘅事，好緊張。其實做乜要再圍，係囉。

124. 女聲：你又唔係燒咗佢。

（檔案編號：ALC01083）

204. 男聲：其實個問題係點樣避開街嗰啲cam，即係唔好connect到去我部車嗰度而家重點係。

213. 男聲：有巡警，你見到有你都唔會搞啦呢啲。

214. 女聲：吓。

215. 男聲：吓。

216. 男聲：即係除非真係-- 即係除非你真係咁啱嗰一下咁啱有巡警經過啫。

217. 男聲：係呀，我意思，係呀。

218. 男聲：係囉，即係咁巧合嘅啫。

219. 女聲：好似我同你...（聽不清）

220. 男聲：因為你-- 你觀察咗環境覺得冇，你先去㗎嘛，有咪跑咗先囉，你實跑得快過佢㗎。佢又唔會-- 巡警又唔會無啦啦有隊人包抄嘅，巡警係得一隊嘅之嘛。咁你跑得贏嘅話，佢又...（聽不清）

228. 女聲：點解我要同你哋三個玩，我咪包屘囉跑嘅時候。

229. 男聲：妳係負責--

230. 男聲：妳係幫手攞嘢。

241. 女聲：我上次講話琴-- 聽日㗎啦，點解要今日呀？

（檔案編號：ALC01091）

242. 女聲：今日呀。

243. 男聲：唔係，今日當踩下場囉，遊下車河，踩下場，食下糖水。

244. 女聲：我視察下環境囉。

245. 男聲：唔係，因為最緊要係睇下-- 睇下條路點走點去。

（檔案編號：ALC01093）

281. 男聲：睇下先，美樂呢個就可以夜少少返嚟嘅時候。

282. 男聲：係囉，可以出咗去。

283. 男聲：美樂、兆暄(?)都得。

284. 男聲：我想搞-- 我想搞咗西鐵沿線嗰啲站啫。天水圍應該搞咗啦，屯門都應該搞咗。

當私家車行經蝴蝶輕鐵站時，車內有以下對話：

（Disc 1）

（檔案編號：ALC01103）

448. 男聲：呢個站得唔得呢？

449. 男聲：How can I help--

450. 男聲：但係呢個站好似冇乜用。

451. 女聲：係呀--

452. 男聲：冇人搭嘅。

453. 男聲：冇-- 冇人用都要打。

454. 女聲：亦都要打囉，係啦--

（檔案編號：ALC01104）

455. 女聲：都要打囉，係啦就係。

456. 男聲：呢個易走喎。

457. 男聲：唔係喎，好似冇咗喎。

458. 男聲：呢個易走呀其實。

當該私家車駛往和經過輕鐵車廠站時，車內有以下對話：

（Disc 1）

（檔案編號：ALC01104）

469. 男聲：新屯囉，新屯囉，係。

470. 男聲：我諗呢個爆咗，新屯都應該爆咗。

471. 男聲：去元朗睇下囉，順路。

472. 男聲：冇理由爆個廢嘅，唔爆個多人嘅。

481. 男聲：係啦，你泊上去高爾夫附近嗰度，跟住行落嚟爆，（男聲：行番落嚟。）爆完之後即刻跑。

（檔案編號：ALC01105）

487. 男聲：打，打𨶙爆佢囉。

488. 男聲：攞錘爆。

489. 男聲：攞啲咩嘢？

490. 男聲：攞錘爆囉，攞士巴拿同埋錘。

491. 男聲：係咪得一個錘。

492. 男聲：士巴拿得唔得㗎？

493. 女聲：士巴拿打...（聽不清）

494. 男聲：屌你，大力啲得啦。

495. 男聲：講緊爆...（聽不清）屌你。

496. 男聲：屌，拳頭都得啦，戇𨳊。

當該私家車駛往和經過龍龍輕鐵站時，車內有以下對話：

（Disc 1）

（檔案編號：ALC01105）

513. 男聲：一係跑埋過嚟爆埋龍門囉。

514. 男聲：吓，都得嘅其實，都係呢度。

515. 男聲：因為我呢度唔知，真係-- 真係唔知泊喺邊。

516. 男聲：到要散嘅話，如果真係大家遇定有咩嘢事要散嘅話去邊散？

517. 男聲：跑番上山頭囉係。

當該私家車駛經青雲輕鐵站、鳴琴輕鐵站、山景(南)及山景(北)輕鐵站時，車內有以下對話：

（Disc 1）

（檔案編號：ALC01107）

554. 男聲：但係呢個唔係咁多人㗎嘛，呢個站。

555. 男聲：鳴琴咪多啲人囉。

556. 女聲：石排。

557. 男聲：鳴琴、石排就多啲人。

558. 女聲：係。

559. 男聲：反而頭先龍門居嗰兩個就好重要。

560. 男聲：但係車牌有啲危險，如果你擺喺附近（男聲：係呀。）又影到我哋上呢架車。

561. 男聲：係呀，所以我頭先新景嗰個山咪好啲囉。

562. 男聲：係呀，但係山-- 新景嗰個-- 唔係，山景嗰個行咗過嚟嘅話，其實都瀨嘢喎。

（檔案編號：ALC01108）

563. 男聲：其實都嘢喎，即係其實都冇得走。

564. 男聲：泊上山景囉。

565. 女聲：其實我覺得呢附近應該冇人拉㗎，但係-- 係點樣走，個感覺--

566. 男聲：唔好-- 唔好-- 唔好影到囉。

567. 女聲：係呀，係呀。

568. 男聲：唔好畀-- 唔好畀佢影到我哋上嗰部車啦。

期間，該私家車轉入小路，尋找安全的停車位置。

（Disc 2）

（檔案ALC01109）

14. 男聲：（女聲：笑聲）但係海翠真係唔夠多人㗎，爭少少。

15. 女聲：爆晒總站嗰拃？

16. 男聲：係呀，爆𨶙晒總站嗰拃我想。

17. 男聲：總站嗰度嗰啲多cam多唔多呀？

18. 女聲：冇留意喎。

19. 男聲：應該好多。但係我哋、我哋、我哋如果計劃--

（檔案編號：ALC01110）

20. 男聲：我哋、我哋如果計劃好我走佬嗰個位嘅話就okay嘅應該。即係你爆嗰下畀人影到都冇所謂，最-- 最大問題係你唔好connect落去我部車嗰度啫。

（檔案編號：ALC01111）

37. 男聲：唔知喇，即係呢個巴士站就唔知囉。

38. 男聲：Suppose係有--

39. 男聲：架巴-- 巴士隔籬遮住囉，屌。

40. 女聲：呢度就係有--

41. 男聲：我覺得呢度唔係好穩陣。

53. 男聲：然之後，然之後落去，爆完之後上番嚟囉。

54. 女聲：唔使兜路先再上呀，直接咁樣上番嚟。

55. 男聲：如果影唔到我哋--

56. 男聲：影到好大鑊喎。

57. 男聲：影唔到我哋上邊部車咪得囉即係。

58. 男聲：同埋就係唔知佢邊度有冇cam。

59. 男聲：喺入面--

60. 男聲：呢度有呀。

61. 男聲：所以而家咪睇。邊度呀？

62. 男聲：嗰個屋上--

（檔案編號：ALC01112）

63. 男聲：嗰個屋上面有閉路電視，嗰埲牆。

64. 男聲：係喎，係影住我哋呢個位，係啦，睇唔到。

65. 女聲：好啦。

66. 男聲：我會問下嗰時候係咪得佢--

67. 女聲：佢係要-- 我會-- 我會覺得再泊遠啲囉。

（檔案編號：ALC01113）

90. 女聲：我哋係咪應該落車係冇問題，跟住係沿途要換裝，然後再打。（笑聲）

98. 女聲：吓，街囉，我不留都喺條街度換喎，即係你見到周圍嗰啲冇cam就可以換㗎喇。

99. 男聲：鬼知咩，屌。

100. 男聲：我諗頭先個凹位可以，或者喺巴士站對面，我哋落車睇一睇先。

101. 男聲：個冚喺度。

（檔案編號：ALC01115）

128. 女聲：咁點解唔落車，跟住周圍行下先，跟住然後先再算。

129. 男聲：With your hammer?

130. 女聲：係呀。（笑聲）

131. 男聲：Seriously bro.

132. 男聲：唔係，畀佢影到唔緊要嘅，但係最緊要唔好畀佢track到你。

133. 男聲：唔好畀佢影到點樣走囉。

134. 男聲：係喇，唔好畀佢track到嘛，呢個先係重點其實。

135. 男聲：咁你嗰陣實影到㗎喇，基本上。

136. 男聲：影到你遮嗰下，即係等同影到你打嗰下啫其實。

137. 男聲：係。

138. 男聲：I feel sorry for your dad.（女聲：笑聲）Sacrify must be made.

139. 男聲：一係遮埋車牌囉。

（檔案編號：ALC01117）

163. 男聲：一定要夜㗎喇，一定。妳聽日使唔使返工？

164. 女聲：要呀，咪放工可以落嚟。

165. 男聲：聽日？

166. 女聲：係呀。

167. 男聲：聽-- 唔係呀，聽日使唔使返工？

168. 女聲：要呀。

169. 男聲：哦，咁呀，但係夜少少妳okay嘛？

170. 女聲：呀，你講今晚夜少少呀？

171. 男聲：係呀。

172. 男聲：係呀。

173. 男聲：都出咗嚟喇。

174. 男聲：係呀。

175. 男聲：講完就做㗎喇。

176. 女聲：哦。

177. 男聲：諗方法--

178. 男聲：最lolanto係未-- 未prepare好。

179. 女聲：我都係。

180. 男聲：我都未prepare好。

181. 女聲：（笑聲）我都未prepare好。

182. 男聲：係囉，咁快，點解大家咁爽快。

183. 男聲：唔係，我而家prepare好有個-- 有個plan先，唔該。

（檔案編號：ALC01118）

184. 男聲：plan先，唔該。

185. 男聲：係呀。但係而家視察下環境。

186. 男聲：而家咪傾緊囉所以。

187. 男聲：我覺得好容易畀人追到。

188. 男聲：係呀。

189. 男聲：但係好可惜好難搵到嗰啲有經驗嘅人係講出佢點樣做。

（檔案編號：ALC01119）

207. 男聲：呢度轉左呢度，係，呢度轉左呢度。邊度嚟呀呢度？

208. 男聲：大興。

209. 男聲：大興should be fine...（聽不清）

210. 男聲：轉埋入去睇下。

211. 男聲：唔係，深夜覺得其實泊路邊行去都得啦，唔係，其實最好就真係遮車牌，然之後拍完，跟住敲完就即刻番嚟。

（檔案編號：ALC01120）

215. 男聲：嗰啲cam呢一定攞喇，如果佢調查嘅話。

216. 男聲：係吖。

217. 男聲：跟住如果搵到--

218. 男聲：所以我哋就要-- 我哋一陣個重點唔係諗個站上面，係諗緊側邊嗰啲位囉，我諗側邊會唔會好多cam睇住囉，搞嗰啲站囉。所以頭先--

（檔案編號：ALC01121）

240. 男聲：唔。你扑𨶙到佢全部開𨶙晒，佢連嘟都冇得嘟，this is good。

241. 男聲：咁咪變咗買單程飛囉全部都。

242. 男聲：係喎。

243. 男聲：要爆埋嗰啲單程飛嗰啲機。

244. 男聲：係呀。

（檔案編號：ALC01123）

272. 男聲：泊低佢，不如而家嚟一波先呢個位，換裝，有冇cam呀呢個位？

273. 男聲：而家想爆...（聽不清）

274. 男聲：Bro, bro that first, bro, bro?

275. 男聲：爆大興囉，爆頭先嗰個囉。

276. 男聲：十-- 十一點半咗喎。你見到頭先坐住人嗰個月台。

277. 男聲：係呀。

278. 男聲：係囉。

279. 男聲：唔使驚嘅，其實我哋唔係打佢哋嘛。

280. 男聲：But -- but--

281. 女聲：（笑聲）我都覺。

282. 男聲：我就有啲淆。

283. 男聲：Hey, wait, wait.

284. 男聲：我就有啲淆。

285. 男聲：Wait.

286. 女聲：好似其實可以即刻去即刻走就得㗎喇。

287. 男聲：即刻去即刻走囉。

288. 男聲：But-- but--

289. 女聲：但係我都冇-- 冇畫筆，係好大件事。（笑聲）

290. 男聲：But there is--

291. 男聲：妳油得嚟呀妳都爆完講真。

292. 男聲：There is another person--

（檔案編號：ALC01124）

293. 男聲：講真。

294. 男聲：There is another person there.

295. 男聲：我哋唔係打佢咩？

296. 女聲：佢可能爆...（聽不清）

297. 男聲：Wait a second.

298. 男聲：Wait a second, bro.

299. 男聲：Wait a second. Wait a min--

300. 男聲：等-- 等一陣先。

301. 男聲：Wait an hour, bro.（女聲：笑聲）

302. 男聲：An hour囉。

303. 男聲：Wait a day,（女聲：笑聲）bro.

304. 男聲：Wait a year,（女聲：笑聲）bro.

305. 男聲：No, wait, wait, wait, this is just too early. 你睇下嗰啲仆街，屌你--

306. 男聲：咩嘢仆街呀，同路人嚟㗎，唔會告發我哋放心。

307. 男聲：Wait, bro.

308. 男聲：唔係呀，你如果你-- 你一耐就一定有人攞cam-- 攞部電話出嚟影你㗎喇。

309. 女聲：我唔係好知道個力度，同埋你哋係咪一下就可以打得爛？

（檔案編號：ALC01125）

313. 男聲：何不等真係冇人。

314. 男聲：我都幾肯定可以扑得爛但係，啲膠好脆弱喇應該。

315. 男聲：But wait bro-- just wait bro--

316. 女聲：唔好理佢，繼續。

317. 男聲：我急不及待想玩一玩。

318. 男聲：But bro--

319. 男聲：我打唔爛，Ryan都應該打得爛，Ryan大力啲呀，用埋隻腳囉，踢落去一嘢，分分鐘係踢得甩添吖部機，成個頭冇咗吖嘛。

320. 男聲：咪住先。（女聲：笑聲）

321. 男聲：同埋買定支可樂倒入去囉。

322. 男聲：但係我仲要考政府。（女聲：笑聲）

323. 男聲：屌，你驚呢啲嘢。

324. 男聲：That is not problem, that is not problem.

335. 男聲：你等佢停咗先囉，好唔好呀，而家仲乜咁心急呢，（女聲：我好驚呀。）做呢啲嘢--

（檔案編號：ALC01126）

336. 男聲：做呢啲嘢咁心急呢，嗄，嚇𨶙死我呀真係。

337. 女聲：不如我返屋企沖個涼再出嚟。（笑聲）

338. 男聲：其實okay。

339. 男聲：Okay喇。

340. 男聲：屌你真係講真係你最安全真係兩三點嗰啲時間。

341. 女聲：咁我哋兩點再集合囉。

342. 男聲：But we can have dessert together.

343. 男聲：Make--

344. 男聲：喂，to be honest啲啦，真係，way too early。

345. 女聲：我可以兩點鐘出番嚟。

346. 男聲：兩點鐘出番嚟。

347. 男聲：你屋企有冇嘢可以遮到車牌咁樣。

348. 男聲：我就係覺得咁樣畀人「抄」得出嚟--「抄」番出嚟嘅機會都-- 都好高。

（檔案編號：ALC01128）

377. 女聲：咁我返去沖個涼再出嚟，跟住返工囉，直接返工。

378. 男聲：唔使上...（聽不清）

379. 男聲：唔上咩嘢？

380. 男聲：但係又出嚟可能會出汗。

381. 女聲：哦，唔緊要，橫掂都返工囉...（聽不清）搞得勁耐。

382. 男聲：其實okay呀。

383. 男聲：咁咪要車妳返去先？

384. 女聲：好呀。

385. 男聲：咁我哋再沿途兜一兜先。

386. 女聲：可以呀。

387. 男聲：即係譬如呢個位放，咁呀可以落去樓下嗰個站嘅，即係你mark咗先，跟住龍門嗰啲係可以泊上高爾夫球嗰個位。

388. 女聲：大家要清幾多個站先，即係而家新屯中、龍門、大興南、大興北、石排、鳴琴？

389. 男聲：咪住先，咪住先。

390. 男聲：鳴琴。

391. 男聲：鳴琴都關事嘅咩？

392. 男聲：鳴琴好遠喎。

393. 男聲：你話沿線吖嘛，咁咪冚家--（女聲：係吖，你-- ）（男聲：佢-- 佢-- ）冚線剷。喺個站隔籬有間廿四小時麥--

（檔案編號：ALC01129）

399. 男聲：同埋有條天橋。

400. 女聲：鳴琴...（聽不清）

401. 男聲：鳴琴?

402. 男聲：我覺得石排可以囉，石排。

403. 男聲：...（聽不清）好多其實都隔籬都有舖頭喎，一定有。

404. 女聲：石排冇呀。

405. 男聲：石排冇。

406. 男聲：石排--

407. 女聲：得中電囉（笑聲）...（聽不清）

408. 男聲：唔係，總之近我哋嗰啲一定做得囉，唔使嗰個-- ...（聽不清）走，唔好直接返囉。

409. 男聲：咁唔好諗其他先啦，諗呢個先啦，你覺得呢個點？

410. 男聲：呢個係咩嘢？

411. 男聲：我哋投票贊成。

412. 男聲：呢個okay㗎？

413. 男聲：呢個即係頭先啦，下面嗰個囉，轉彎上嚟之前嗰個位。

414. 女聲：即係大興呀。

415. 男聲：Okay呀。

416. 男聲：呢度附近冇吖嘛應該，後面嗰個係咪，後面個cam。

417. 男聲：等我search that，刑毁坐幾耐。

418. 男聲：十年啦。

419. 男聲：然之後--

420. 男聲：到時大--

（檔案編號：ALC01130）

421. 男聲：到時大家都一齊坐嘅。

（Disc 2）

（檔案編號：ALC01131）

443. 女聲：咪plan囉，但係plan完咪做囉，但係而家感覺係plan完都唔做--

444. 男聲：唔係呀（男聲：要plan一個好安全嘅--）但係我-- 但係我始終覺得咁樣太高危。

445. 男聲：咁都高危，咁冇嘢可以做囉喎。

446. 男聲：唔係，即係--即係你係physically--

447. 男聲：Fooler in fool--

448. 男聲：咁係咪即係要搵-- 搵一大班人去cover我哋，即係一齊做？

（檔案編號：ALC01132）

460. 男聲：真係要諗清楚，一係--

461. 男聲：唔係，咁我覺得咁樣-- 咁樣死唔抵呀。

462. 男聲：係呀，咁樣死唔抵呀其實。

463. 男聲：咁你行行下街畀人𢭃死咗都唔抵啦。

464. 男聲：我-- 我𢭃咗啦。

465. 男聲：咪係囉。

466. 男聲：嗰啲唔會死㗎（男聲：隨時會拉𨳊你。）呢-- 呢啲捉到就死㗎喇真係。

467. 男聲：屌你，咁𨶙樣刑毀好𨶙戇𨳊喎講真。

495. 男聲：唔係嘅，最--最安全咪好似嗰啲咩嘢元朗遊行咁，咁路經一個站咪爆一個站咁囉。

496. 男聲：係呀，例如係咁。

497. 男聲：爆完之後就縮番去人群裡面。

498. 男聲：呢個係我諗到嘅。

499. 男聲：呢個係最完美嘅，其實可以話係，因為好難track到係邊一個人，咁多人裡面--

（檔案編號：ALC01135）

500. 男聲：裡面，太難喇。但係如果係咁嘅話，我哋蚊瞓都搞唔到幾個站，除非真係plan到嗰-- 呢條咁嘅路線出嚟，即係大興呢度行，行到過去乜𨶙嘢卓爾居，跟住再行去屯門，跟住再行一路行返落去碼頭咁樣。

之後，他們繼續駕車堪察地形，並且在新華麵家外落車。

（Disc 3）

（檔案編號：ALC01142）

10. 女聲：呢度啲串燒好食嘅。

11. 男聲：係咩？

12. 男聲：嗯，要唔要--

13. 男聲：有冇廁所呀呢度附近，我想屙尿？

14. 女聲：係呀，呢度有，但係--

15. 男聲：咁不如大家補給下先啦。

16. 女聲：吓？

17. 男聲：等等先，等等先。我去後面。

18. 男聲：啲串燒好好食嘛。

19. 男聲：唔係，呢個的士站嚟嘅，去對面。搵位泊一泊部車先。

20. 女聲：唉。（抖大氣）

停泊位置在大興商場外（ALC01143，00:04:05）。

再返上車後，車內有以下對話：

（Disc 3）

（檔案編號：ALC01144，01:09:06）

63. 男聲：有冇人陪我入村，去唔去？

64. 男聲：入囉。

65. 男聲：一句到尾元朗村，今晚爆元朗。

66. 男聲：（女聲：發出疑問的聲音）What? Wait a second, Bro.

67. 男聲：That’s the place we know.

68. 男聲：一句到尾元朗。

69. 男聲：哪--

70. 男聲：熟我地頭。然之後當你返嚟搞𨶙埋屯--

（檔案編號：ALC01145）

71. 男聲：搞𨶙埋屯門碼頭兩個站，兩個大站。

72. 男聲：我可唔可以哨兵呀？Can I do--

76. 男聲：Er-- yeah, could be. 我已經抄牌喇，大家體諒下。我已經唔打算考政府。考港龍先。

77. 男聲：點呀，你哋返碼頭定去元朗呀而家？

78. 女聲：我返--

79. 男聲：Up to you guys.

80. 女聲：我返碼頭。

81. 男聲：做咩嘢啫？

82. 女聲：唔係呀，聽日返工呀。

83. 男聲：咁我兜咗返碼頭先。

（檔案編號：ALC01146）

84. 女聲：返工呀。

85. 男聲：返碼頭先。

（檔案編號ALC01147）

126. 男聲：不如我哋做啲更加--

127. 男聲：...（聽不清）講啲好戇𨳊嘅嘢。

128. 男聲：不如大家做啲更加有意義嘅嘢。

129. 女聲：做咩嘢？

130. 男聲：例如去接仔女咁呀。

131. 男聲：吓，部車坐滿晒人喎而家，接一個呀？

132. 男聲：接--接一個...（聽不清）

133. 女聲：去邊度接呀？

134. 男聲：係都抌低咗你哋落車去接。

（檔案編號ALC01152）

219. 男聲：嗱，睇下啦。

220. 男聲：落車而家？實有好多輕鐵回廠，呢個鐘數。

221. 男聲：係咪入閘都夠呢？

222. 男聲：唔係喎。

223. 男聲：入閘同嗰個賣-- 賣嗰個機囉。

224. 男聲：賣嗰個機都要呀？

225. 女聲：要呀，嗰個機。

226. 男聲：嗰個售票機先貴，新嗰啲。

（檔案編號ALC01153）

240. 男聲：佢隔籬係紀律部隊宿舍，大家睇路。

241. 男聲：美樂都唔少。

242. 男聲：係呀，咪就美樂囉。

243. 男聲：哦，我隔籬屋可能。

244. 男聲：唔係，六座唔係，七、八、九吖嘛。

245. 男聲：咦，有做功課。

246. 女聲：咁我哋究竟要儲夠幾多人先可以做呢件事呀？

（檔案編號ALC01154）

247. 男聲：個Boozer佢會...（聽不清）係咪呀？

248. 男聲：係呀。

249. 男聲：Boozer係one man army，我哋全部都係散。

250. 女聲：真㗎？

251. 男聲：嗯？

252. 女聲：今晚會做呀？

253. 男聲：應該會。

254. 男聲：嗱，我就-- 我又覺得唔係幾好嘅--

255. 男聲：我去-- 我去睇一睇，我去睇一睇。

256. 男聲：所以如果你-- 你堅持嘅話呢（男聲：係喇，我覺得係有啲-）我-- 我就睇下可以點樣help下。

257. 男聲：我都有啲insecure嘅。

258. 男聲：我都係去到嗰邊再觀察囉。

259. 男聲：最緊要呢--

260. 女聲：嗰邊係邊邊？

261. 男聲：元朗囉。

262. 男聲：最緊要呢就唔好有事。

263. 男聲：乜你講嘢咁似...（聽不清）

264. 男聲：唔係，真心喎，即--

（檔案編號ALC01155）

265. 男聲：唔係，真心喎，即係-- 即係呢個-- 嗰個成效唔係真係咁高吖嘛，你寧願係咩嘢都冇做到，達成唔到目標，但係你個人就响度...（聽不清）可以係...（聽不清）相反--

266. 男聲：...（聽不清）

267. 男聲：即係達成到目的，但係犧牲自己...（聽不清）

268. 女聲：畀埋你地啦。

269. 男聲：對手套--

270. 男聲：Where are the cam?

271. 男聲：呢隻手套嘅外圍已經有我指紋。

272. 男聲：係呀。

273. 男聲：捽多兩下囉。

274. 男聲：手套梗係拎埋番屋企啦，屌。

275. 女聲：其實我都想等。

276. 男聲：咩嘢？

277. 男聲：返屋企啦妳。

（檔案編號ALC01156）

278. 男聲：返屋企啦妳。

279. 男聲：Sorry，咩嘢？

280. 女聲：冇嘢喇。

281. 男聲：走啦，走啦，走。

282. 男聲：...（聽不清）咩嘢？

283. 男聲：走啦，走啦，走。

284. 男聲：唔好講嘢啦，返到屋企，入房瞓啦。

285. 男聲：Shut the fuck up, you.

286. 男聲：Bye Bye.

287. 女聲：Bye Bye.

288. 男聲：Bye.

54.無疑，從車輛在2019年9月4日在約2257時經屯門湖翠路邁亞美海灣外停泊，然後開車至他們下車用膳後，再上車至女士下車（約在2019年9月5日0121時，ALC01155，Disc 3記項268 - 288）（載圖相片MFI-4編號25），從上文已清楚顯示他們沿途經過不同輕鐵車站，一同商討及計劃破壞那個輕鐵站的設施、停泊車輛位置、怎樣逃避鏡頭及逃走路線等等。

55.可是，至女士下車時，客觀而言似乎仍是熱烈商討階段但尚未協議好及會否真的到那個車站下手及或是在那裏停泊及逃走等等。而該女士在之前的期間，雖然曾非常主動地參與討論及主張可破壞那個車站，更說稍後約兩點可再聚集，但最後至下車前似乎仍有所猶豫，眾人似乎仍在表達要再作考慮，更不知他們會否及或真的在當晚下手等等。然而，當女士下車後，在車內人士的交談則更為關鍵：

（Disc 3）

（檔案編號：ALC01156）

289. 男聲：跟住點樣玩？

290. 男聲：啱嘅。

291. 男聲：你哋唔走呀？

292. 男聲：你係咪一定do it先？

293. 男聲：我唔一定，但係我會去咗睇先囉。

294. 男聲：咁咪一齊睇下囉，你o唔okay？

295. 男聲：嗄，咁佢就要走多兩轉？

296. 男聲：係呀，冇所謂嘅。

297. 男聲：真喎，等陣先。

298. 男聲：哦，我驚-- 我驚連累埋你。

299. 男聲：連咩嘢累，屌，我哋-- 我哋自己自願過嚟㗎嘛，屌，驚屄呀。

300. 男聲：屌，唔好咁啦。

301. 男聲：收咗皮就認命，冇話-- 冇話累唔累。

302. 男聲：係呀，我哋自己選擇嚟，冇得賴嘅呢啲嘢。

303. 男聲：太多閉路電視。

（檔案編號ALC01158）

328. 男聲：唔係，唔係，唔係，等陣先，等陣先。即係商量下先啦，唔使咁急。越遲呢就越少，即係越夜呢就越少人，越安全。

329. 男聲：呢度的士站，我都係出一出去先。

330. 男聲：係囉，就喺出面嗰度研究下先啦一齊。

331. 男聲：你哋係唔想今日㗎嘛，係咪呀？

332. 男聲：我唔係幾想--

333. 男聲：係囉。

334. 男聲：我個人係隨眾，冇乜個人主意。

335. 男聲：因為一個問題嚟嘅，你冇意見。

336. 男聲：你從眾咪跟佢囉，而家一比零。

337. 男聲：咁如果我話去，Ryan話唔去，咁你揀邊邊？

（檔案編號ALC01159）

338. 男聲：呢度呢？

339. 男聲：呢度。

340. 男聲：呢度少少多cam。

341. 男聲：走到就得㗎喇其實。

（檔案編號ALC01160）

352. 男聲：一定係搞碼頭。

353. 男聲：一定係碼頭。

354. 男聲：碼頭起到好大嘅作用，我覺得基本上同屯門差唔多咁重要。

（檔案編號ALC01162）

382. 男聲：海旁走囉，穿海旁走再返番嚟呢度囉，喺海旁嗰度--

383. 男聲：如果我哋走就唔使上你車嘅。

（檔案編號ALC01163）

388. 男聲：爆完之後去一個類似草叢嘅位換衫。

389. 男聲：走番出去-- 走番出去海旁囉。

390. 男聲：換衫之後再-- 再-- 再--

391. 男聲：我想換埋鞋添而家。

392. 男聲：呢個冇呀。

393. 男聲：咪可以遮一遮。

394. 男聲：我有鞋喎，我有鞋喎，你著幾多號呀？

395. 男聲：我著十號半。

396. 男聲：差唔多喇。

397. 男聲：赤腳囉一係。

398. 男聲：你真係有鞋呀？

399. 男聲：我真係有鞋，鋼頭鞋，全黑，畀你破處啦，未著過。

400. 男聲：係。

401. 男聲：你睇下呢對o唔okay？

402. 男聲：其實𠵱個位換-- 換衫--

（檔案編號ALC01164）

403. 男聲：換-- 換衫出去都應該冇問題，換咗衫之後出去，返到嚟先再換。

404. 男聲：換衫嘅意思係爆嗰套衫定係？

405. 男聲：爆嗰套衫囉。

（檔案編號ALC01164）

419. 男聲：孭背囊出去換衫啦，去海旁嗰度換。

420. 男聲：海旁應該真係冇cam。

（檔案編號ALC01165）

429. 男聲：去到換-- 換衫嗰個位囉。即係而家假設我哋拎-- 拎晒啲衫去-- 去海旁中間嗰個點去換，換完之後先去爆，爆完之後返番海旁換囉。

（檔案編號ALC01166）

430. 男聲：你哋-- 你哋就-- 你哋睇下係直接返屋企定還是係我要車番你哋返去。

431. 男聲：但碼頭好𨶙多。

432. 男聲：好𨶙多咩嘢？

433. 男聲：爆咗...（聽不清）

434. 男聲：碼頭嘅話而家都係太早呀。

435. 男聲：咩嘢？

436. 男聲：碼頭嘅話而家都係太早。

437. 男聲：佢嗰啲爆上新聞嗰啲全部都兩點半、三點。

438. 男聲：係呀，一定係唔會咁早呀。屌你，碼頭嗰個防備太多喇。等一等啦，畀啲耐性啦，你係想做嘅話。我喺屋企樓下之嘛，我喺嗰個門口幫你哋睇哨。同埋因為我睇-- 因為佢-- 佢過嚟碼頭呢邊佢一定through呢條路㗎嘛，佢唔會through第二條路㗎嘛，suppose。

（檔案編號ALC01167）

444. 男聲：同埋諗埋逃走路線。

445. 男聲：海翠平台換衫得唔得？

446. 男聲：我而家諗就係呢度兜去後面囉，沿--喺後面，海旁後面嗰度一路-- 跟住一-- 一去到er-- 即係（男聲：佢截你都好易喎。）上船嗰個位入去囉，衝入去（男聲：咁佢都要知道你喺嗰邊過緊嚟。）衝入去爆囉，衝入去爆囉，爆完之後返番出海旁就跑。

（檔案編號ALC01169）

466. 男聲：欸，我諗到，係呀，海翠，泊咗喺海翠停車場囉。

467. 男聲：What?

468. 男聲：泊上海翠停車場換衫。

469. 男聲：唔係，我意思係因為海翠平台呢，據我所知就冇乜cam嘅，咁就喺嗰個位嗰度換完衫呢，跟住就er-- 可以直接呢行樓-- 即係行樓梯（男聲：後樓梯吖嘛，我知。）就唔搭𨋢。

（檔案編號ALC01170）

484. 男聲：上海翠平台換衫，換完衫之後呢，行er-- 平台同埋行嗰個後樓梯落去，嗰度冇cam嘅。咁你後樓梯嗰度落去嗰度呢，就已經係er--（男聲：輕鐵站喇已經係。）碼頭，碼頭。跟住呢就扑完之後，上番去平台嗰度就換衫。

485. 男聲：哦，咁樣好似好危險，係咪先，你--

（檔案編號ALC01171）

486. 男聲：你嚟同去都係行同一條路。

487. 男聲：唔係呀，咁你要換衫吖嘛，但係我都幾肯定你上平台嗰個位係-- 同埋你-- 佢影到你上平台嗰一套以為你喺上面住。要換咗另外一樣完全唔同嘅衫，短褲又好，乜都好，跟住就--

488. 男聲：但係冇帶褲出嚟換。

489. 男聲：我畀你咪得囉，我住樓上。

490. 男聲：我有。

491. 男聲：我住樓上。

492. 男聲：我呢度有。

493. 男聲：咁嗱，因為我意思就係-- 嗱，平台冇cam，平台行er-- 樓梯落去都冇cam。

494. 男聲：喂，但係你爆到幾多部啫，而家？

495. 男聲：爆晒啦，爆就梗係。

496. 男聲：爆晒？

497. 男聲：爆晒囉。

498. 男聲：爆晒，你預計要幾耐？

499. 男聲：三分鐘囉。

500. 男聲：三分鐘，what？

501. 男聲：頂-- 頂盡三分鐘。

502. 男聲：六條線喎。

503. 男聲：好快㗎咋，係咁扑，狂扑。

504. 男聲：認真？

505. 男聲：爆埋部機喎？

506. 男聲：係呀，唔通慢慢扭螺絲，然之--

（檔案編號ALC01172）

507. 男聲：扭螺絲，然之後拆嗰啲嘢出嚟爆呀。

508. 男聲：我覺得唔得喎。

509. 男聲：咁咪試下打一個睇下-- 睇下要用幾耐囉，如果真係覺得好耐先爆到一個，咪爆兩個走囉。

510. 男聲：唔係，唔係，嗱，唔係爆-- 唔係討論要爆幾耐，唔係，唔係--

511. 男聲：咁你都要諗埋爆幾耐。

512. 男聲：都係一個-- 都係一個考慮。

513. 男聲：唔係爆幾多部嘢，係要爆幾多時間，你要喺嗰度停留幾多分鐘。

514. 男聲：係囉，係囉，咪就係要諗爆幾耐囉。

515. 男聲：十分鐘？

516. 男聲：十分鐘都太耐。

517. 男聲：十分鐘太耐喇，你五分鐘內就最好呢啲。

518. 男聲：嘩，咁你五分鐘--

519. 男聲：要快閃，快閃喇。

（檔案編號ALC01173）

533. 男聲：唔係，但係我覺得喺海翠平台換衫係一個可行嘅方法嚟嘅，因為佢影唔到囉，就影到你哋走，跟住佢唔知你走去邊，咁呀估計你哋上咗平台，跟住佢就會以為係住上面囉。跟住你哋就換而家呢套衫就搭𨋢落番去，即係影到你哋喺嗰度走。

534. 男聲：定係三套衫呢？

535. 男聲：可以，可以，三套衫，跟住就走嘅時候就--就再搭番的士走去-- 去er-- 巿中心攞車。

536. 男聲：巿中心攞車。

537. 男聲：唔一定巿中心，即係--

（檔案編號ALC01174）

538. 男聲：即係--

539. 男聲：但係我覺得要泊遠少少而家。

540. 男聲：即係咁-- 即係咁上下遠嘅地方。

541. 男聲：呢度唔夠遠？

542. 男聲：一定唔夠。

543. 男聲：一定唔夠遠。

544. 男聲：佢要查碼頭，一定係成-- 成個呢個範圍啲cam攞晒㗎喇。

545. 男聲：首先你哋啲gear係咪full到不得了嘅先，係咪包到完全冇嘢，好似我咁嘅先？

546. 男聲：我包-- 我包唔到呢個位囉，手呢個位囉。

547. 男聲：我有袖畀你。

548. 男聲：手呢啲就唔係好驚。

549. 男聲：唔係，乜都遮晒。

550. 男聲：呢啲辨識--

551. 男聲：我有、我有、我有個er-- 鏡囉，即係--

552. 男聲：我驚你如果咁樣你行落去嗰陣時已經畀人報警嘅。

553. 男聲：罩再-- 罩再加個鏡，再加個--

554. 男聲：我幫你哋睇。

555. 男聲：太陽鏡囉就。

556. 男聲：我幫你哋睇。

557. 男聲：戴埋-- 戴埋呢個，使唔使吖？

558. 男聲：咩嘢？

559. 男聲：戴埋呢個囉，使唔使呀，其實唔使嘅。

560. 男聲：唔使，唔使，唔使。

561. 男聲：眼罩囉。

562. 男聲：你-- 你用頭巾得㗎喇。

563. 男聲：我哋有戴-- 我有-- 我有頭巾囉。

564. 男聲：頭巾。

565. 男聲：我有--

（Disc 4）

（檔案編號ALC01175）

1. 男聲：我有--

2. 男聲：你口罩再頭巾啦［男聲：要...（聽不清）］我驚你無啦啦（男聲：係呀，口罩再頭巾。）𨃩一𨃩落嚟咁樣。

3. 男聲：口罩再頭巾，因為要包耳仔，頭巾好重要。跟住就-- 喂，而家同你哋上一上去平台先--

4. 男聲：就呢個囉，呢個夠唔夠？

5. 男聲：屌你老味，咁咪紅色呀。

6. 男聲：...（聽不清）

7. 男聲：唔使啦，你戴我嗰個吖，屌你老母，我黑色㗎成嚿。

8. 男聲：即係你-- 即係你凈係睇水嘅之嘛，你唔-- 你唔爆㗎嘛？

（檔案編號ALC01175）

11. 男聲：點通知你呀，如果有嘢？

12. 男聲：手機囉。

（檔案編號ALC01176）

26. 男聲：走上平台，即係一換衫嘅話其實已經係辨識唔到㗎啦，即係假設你換埋褲或者咩嘢嘅話。

27. 男聲：係呀，係呀。

28. 男聲：已經辨唔到㗎啦。

29. 男聲：This is my point. 長褲一定著喺你哋短褲外面，咁跟住到時你哋一除，非常之簡單。

30. 男聲：你係咪肯定平台冇cam先？

31. 男聲：後樓梯冇囉，喺後樓梯換囉。

32. 男聲：後樓梯。

33. 男聲：嗱，因為佢兩邊嘅，近我哋呢邊街--

34. 男聲：我記得，我住過海翠吖嘛。

（檔案編號ALC01177）

40. 男聲：撳密碼鎖開，但係我開定畀你哋，一定我「攝」住道門。

41. 男聲：係，即係-- 即係海翠而家個密碼鎖嗰啲防火-- 即係後-- 後樓梯嗰啲門？

42. 男聲：後樓梯門有。

43. 男聲：真係㗎？

44. 男聲：但係通常都壞。

45. 男聲：以前冇個喎。

46. 男聲：係呀，跟住呢有另外一邊門嘅，另外一邊門呢就係近海邊嗰邊。我陣上去ensure佢嗰個-- 嗰道門--

47. 男聲：我記得有一邊一落去就係er-- 即係啟豐出邊嗰條馬路嚟㗎嘛（男聲：係喇，係喇，係喇，係喇。）即係嗰個-- 嗰條係咪--

48. 男聲：跟住就--

49. 男聲：嗰條有冇呀，嗰條？都有-- 即係上面都有個密碼鎖嘅？

50. 男聲：唔知，我一陣去check。但係無論有冇都好，我一定開住門畀你哋嘅。跟住就--

51. 男聲：會唔會有-- 會唔會secure嘅先，你知唔知入面有，都唔知，唔清楚？

52. 男聲：會-- 會有secure嘅，但係好少有機會會--

53. 男聲：即係越諗越覺得--

（檔案編號ALC01178）

54. 男聲：Let’s plan, let’s plan. Plan晒之後仲覺得有遺漏嘅時候先至再--

55. 男聲：再猶豫囉，因為而家都未做。

56. 男聲：execute佢。

57. 男聲：我哋仲坐喺度傾偈緊而家。

58. 男聲：嗱，因為我覺得海翠上面其實係幾好嘅方法嚟嘅。

（檔案編號ALC01179）

65. 男聲：所有背囊擺𨶙晒上平台，你哋要換嘅衫全部喺平台。

66. 男聲：係呀。

67. 男聲：跟住呢就係你哋兩個係空手掉掉嘅搭的士，呢個冇問題。

68. 男聲：咪住先，我都係睇水。

69. 男聲：Right，咁仲好，兩個人每人一邊，你守住喺近啟豐嗰個位。

70. 男聲：咁如果我爆唔到點算呀，我唔夠力嘅話。

71. 男聲：屌你，啱啱話好𨶙易呀仆街。

72. 男聲：喂--

73. 男聲：我覺得係喇。

74. 男聲：唔係，我哋諗諗個plan先，諗諗個plan先。

75. 男聲：你覺得呢個plan--

76. 男聲：咩嘢嚟㗎，你哋評估下我啲gear先，好唔好？我有帶呢袋嘢上嚟。

（檔案編號ALC01180）

93. 男聲：即係有咩嘢我哋即刻打畀你，未打畀你，你可以再決定，你、你、你定個時間同埋定個maximum嘅時間，即係我當咩嘢時都冇發生，maximum個時間要留幾多分鐘，你要ensure。跟住就--

（檔案編號ALC01181）

107. 男聲：呢個會唔會勁啲呢，你覺得呢個對比錘仔？

108. 男聲：錘仔。

109. 男聲：呢個--呢個麻麻地。

110. 男聲：係咪呀，錘仔。

111. 男聲：揀一個。呢個都尖喎呢個，一嘢摼落去。

112. 男聲：唔係尖唔尖嘅問題，即係個力嘅問題。

113. 男聲：同埋都好硬呀呢個。

114. 男聲：我屋企有電鑽。

115. 男聲：屌你老味。

116. 男聲：唔係，可以攞埋我屋企個錘仔畀你，喺我屋企-- 我屋企樓上。

117. 男聲：要兩個錘有𨶙用咩，我一條友，呢度囉。

（檔案編號ALC01182）

127. 男聲：咁樣你-- 我覺得你（男聲：應該-- 應該舂四至五--）爆唔晒囉，三分鐘肯定，一條友。嗱，我當一個站你凈係係爆入閘，咁即係兩邊四個啦，咁嗰度五、六條線，即係二十至廿四個，咁你--你每個當你十幾秒都要喇應該。

128. 男聲：係，十五秒差唔多。

129. 男聲：係，咁即係三百秒已經五分鐘，未計你由機跑去機同站跑去站，快極都-- 每一個站中間都起碼要-- 呀，唔係呀，仲--

130. 男聲：仲有單程飛。

131. 男聲：係呀，仲有嗰部機呢，即係三十部機。

132. 男聲：三十部機咩有？

133. 男聲：係呀。

134. 男聲：咪住先，wait a second。

記項134時，在對面線有警車迎面經過。

（檔案編號ALC01183）

147. 男聲：係呀。咁如果你唔做得徹底，其實爆佢一條線就冇乜分別。

148. 男聲：咁又係。

149. 男聲：所以你真係要好好諗清楚。

150. 男聲：總之就係--

151. 男聲：咁要搵條友幫手爆埋啦。

152. 男聲：總之就係廿幾三十喇，我話畀你聽。

153. 男聲：有冇-- 有冇多條友幫手爆呀？

154. 男聲：Call Fisher…（聽不清）

155. 男聲：我-- 我計多次個時間先。

156. 男聲：用一個除2就差好遠講真，一個人同兩個人差好遠。我同你-- 我同你頭尾之嘛，你頭我尾咁樣樣，我爆頭，你爆尾，一路掃落去。

56.毫無疑問，從女士下車後，直至他們被拘捕期間，3人的對話最初對會否付諸實行仍有所猶疑，可是其後他們顯然已鎖定了屯門碼頭輕鐵站為目標，該輕鐵站在地圖P59圈出近24號位置，車輛當時則泊在圖中27、28號位置，他們更定下破壞後返回私家車的路線，更利用海翠花園（在屯門碼頭站旁，地圖圈出24號位置）平台改變裝束，最後更檢查好裝備，計算需時多少等等。

57.從上述的對話應已清楚當中一人住在海翠花園（Disc 4記項41、50、67、68、116），他將負責睇水，另一人亦加入共同負責睇水（Disc 4記項67、68、93），一人負責行動（Disc 4記項76、117、127），最後其中一人再建議另一人或可加入一起進行破壞等等（Disc 4記項156）。

辨認證供

58.首先，各方並無爭議，警方在2019年9月5日約0145時，在屯門湖山路截停VR2451，第一被告在司機位，而第二及第三被告則在後排乘客位(承認事實P1第一段）。

59.PW3 PC 10548從該車上行車記錄儀片段中也確認在9月5日約0147時左右顯示有警車在鏡頭前迎面駛過，這就是他所駕駛的情況。而在片段ALC01161及ALC01183，即9月5日01:26:22至01:48:28亦顯示到該車輛停泊在湖山路魚類批發市場外（見截圖相片MFI-4編號28）。而從片段中自一名女子在9月5日0121時左右下車後，該車一直行駛至最後到達湖山路被警方截停，片段中有3把男聲直至最後被警方在湖山路截停（ALC01156至ALC01183）。

60.盧總督察亦確認在ALC01144至ALC01183中有一把女聲和超過兩把男性，因此，顯然自該名女子下車後，就是第一至第三被告在車上有所對話而最後被警方在湖山路截查。

61.再者，若比對第一及第三被告在被捕時的衣着［相片P58（1 - 3、7 - 9）］，首先在司機位的第一被告，他居住在元朗新時代中城（Yoho Midtown）M9座（承認事實P1第13段），該大廈的閉路電視P50在9月4日晚上2152時至2153時拍攝到一名外貌身形衣着與第一被告被捕時吻合的人離開M9座（截圖相片P55 AE81 - 86），繼而在元朗雞地耀文停車場的閉路電視P51拍攝到一名相同衣着人士在9月4日晚上1009時至1014時到該停車場駛走VR2451（即其後被警方截停的車輛）（截圖相片P55 AE87 - 89）。

62.此外，在屯門邁亞美海灣地下的閉路電視P53在9月4日晚上10:27至10:37期間亦拍攝到一名衣着與第一被告吻合的人在閘外（截圖相片P55 AE93 - 94）。其實，行車記錄儀亦拍攝到該車輛當晚10時許曾停泊在邁亞美海灣外的大閘外（截圖相片MFI-4編號1）。

63.而當該車輛在當晚約0002時至0004時左右停泊在大興商場外，片段亦顯示車輛泊位、熄大燈和解開安全帶的聲音，之前的對話（ALC01142 Disc 3記項10至44）亦顯示車內人士正要下車用膳。然後到約01:09:06時，該車在原位開始駛離。在該段期間內，大興商場新華麵家外的閉路電視P54亦拍攝到白色車駛近，約0002時有4名人士出現包括與上述第一被告被捕時衣着相同的人，及至約0105時，該4名人士以相反方向行，而當中一名亦是與第一被告衣着相同（相片截圖P55 AE97 - 101）。從上述所有閉路電視片段，若對比行車記錄儀的片段及對話等，毫無疑問，第一被告根本一直就是駕駛者及在車內參與對話的其中一人。

64.至於第二被告，他承認海翠花園閉路電視P52在2019年9月4日22:44:26 - 22:44:21時拍攝到身穿黑白間條短袖衫的人就是他（截圖相片P55 AE90）以及當晚在9月4日晚上約10時49分在邁亞美海灣大閘外亦是他，而當時VR2451亦在該大閘外及後離開（截圖相片P55 AE96）。上述在大興商場外的4名人士中，一人的衣着亦是與第二被告吻合（截圖相片P55 AE100、101）。毫無疑問，第二被告亦是一直從邁亞美海灣外在當晚約10時許與第一被告會合及一直在車上參與對話的人。當中其實也顯示對話人士中有人住在海翠花園（Disc 4記項37 - 53），第二被告亦承認是住在海翠花園［上述承認事實第10（b）段］，其後一直至在湖山路第二被告被警方截查時仍在車內。從上述所有證供看來，第二被告必然就是在車內曾參與對話的一人。

65.至於第三被告，他也承認在大興商場新華麵家外的閉路電視P54在2019年9月5日00:02:44時拍攝到身穿短袖T恤的就是他（截圖相片P55 AE99）。而AE100及101的相片分別顯示在00:02:47及在01:05:34行往相反方向的人其衣着與第三被告相同，由於在車內顯示出有超過兩把男聲，而最後在湖山路被警方截停的人包括第三被告，其衣着亦與上述人士完全相同，第三被告顯然亦是曾在車內參與對話的人。

66.最後是第四被告，她並沒有在湖山路被截查，因為當時車上只有第一至第三被告3名男士，片段中的女聲已在當晚約0121時（ALC01156）已下車（見Disc 3記項268 - 288，截圖相片MFI-4編號25一名女子在車前經過），她的衣着及拿着的袋與屯門海翠花園閉路電視P52在9月4日晚上約10時42分與及在9月5日凌晨約1時11分一女子的衣着與拿着的袋完全吻合。這也與在大興商場外所拍攝到與第一至第三被告一起的女子也相符（P55 AE100、101）。而在當日9月4日晚上約10時48分在邁亞美海灣外亦看見有女子的衣着與該女子相同。

67.就第四被告的身分而言，其實亦可與其在2019年11月4日被捕時的容貌（P58 AE72 -74）與上述片段作比對，再進一步而言，電話號碼9219 XXXX的註冊人為第四被告的父親，而第四被告曾於2017年11月24日向PC 11003報失銀包，報稱電話就是9219 XXXX，而報稱地址就在海翠花園X座XX樓X室，而PW10也表示該女士離開行往的方向上面就是海翠花園。再者，從第一及第三被告的手提電話竟同樣發現一個名為「Yes T - 切勿圍爐取暖 大家都係鍵盤戰士」的WhatsApp群組的通訊紀錄，而分別在第一及第三被告的電話內發現該群組在2019年9月4日00:35:36至9月5日01:21:16有通訊內容P56及P57，而當中的通訊竟然又會發現有第四被告的名字就在該電話9219 XXXX後，顯然，第四被告根本就是與第一及第三被告相識及有通訊來往。綜合上述所有背景證供而言，第四被告必然就是該車上唯一的女聲，即在屯門碼頭下車的人。

第一及第三被告的手機訊息

68.事實上，就上述兩部電話的通訊內容，代表第三被告的曾大律師特別爭議相關警員PW8用Cellebrite軟件擷取，但當中並不知此軟件是如何使用，亦不知其認受性、準確性及可靠性如何，曾大律師引述香港特別行政區訴張浩輝 [2021] HKDC 195，法院亦同樣質疑此軟件的專業操作無從得知，難以確定其可靠性，在此情況下，本席亦認為倚賴第一及第三被告手機內的內容可能並不安穩，因此毋須對手機內容予以任何比重。

其他的爭議

69.除上述事項，辯方亦爭議各截查警員證供的可靠性，例如第一被告的手機是從那裏拿出來；第二被告曾否拿着A4文件夾；又或究竟是PW2還是PW3叫後座乘客下車及其他證人之間的分歧等等。可是，明顯地，上述爭議的事項並非本案關鍵之處，畢竟第一至第三被告也承認當時確實在被警方截停時在車內，而各證人亦已在庭上盡量清楚講述相關的事宜，本席有機會觀察他們作供的情況，以及在盤問下的回應，他們並無任何隱瞞或不盡不實之處，均是可信可靠的證人。

串謀

70.就串謀罪而言，終審庭在HKSAR v Harjani Haresh Murlidhar (2019) 22 HKCFAR 446已指出：

“87. At common law, prior to the passing of the statutory provision, the offence of conspiracy essentially consisted of the making of an agreement between two or more persons to do an unlawful act. Statute has now made the definition more precise. Section 159A(1) can be broken down into the following components that have to be proved in order to establish the offence:

(1) An agreement between two or more persons.

(2) The future course of conduct agreed under that agreement to be pursued.

(3) The intentions of the parties under the agreement.

(4) Finally, it must be shown that if the agreement is carried out in accordance with the parties’ intentions, this will necessarily amount to or involve the commission of an offence by one or more of the parties to the agreement or would do so but for the existence of facts which render the commission of the relevant offence impossible.”

71.綜合而言，如上文所述，第一至第三被告在第四被告下車後的對話顯然可確認他們已達成協議及具清晰的意圖來對屯門碼頭輕鐵站的設施進行破壞，更包括更換衣服的地方及逃走路線，在車上從第一被告的背囊內更撿獲鐵鎚、螺絲批、扳手和鉗，更有眼罩、手套、T恤、頭套，第二被告背囊內亦有可供更換的手袖、長褲、短袖衫，第三被告背囊內亦同樣有可供更換的短袖T恤、短褲、頭套和眼罩等等。在此情況下，控方已在毫無合理疑點下證實第一至第三被告共同干犯此控罪。因此，第一、第二及第三被告就串謀刑事損壞罪罪名成立。

72.而就第四被告方面，雖則她也曾主張及討論怎樣破壞輕鐵站，然而直至她在途中離開時，各人並未清晰已達成協議在何時何地、會否或怎樣進行。因此，控方未能達至毫無合理疑點地證明她干犯此控罪。第四被告就此控罪被裁定罪名不成立。

73.總結，就此控罪，第一、第二及第三被告罪名成立，而第四被告則罪名不成立。